HATAW! D'yaryo ng Bayan hatawtabloid.com
HUMAHATAW na ang love team na produkto ng Luv U. Ito’y ang ‘NLex’ nina Nash Aguas at Alexa Ilacad.
Ayon sa survey, pumapangatlo ang tambalan nila sa mga teen na popular, una na rito ang KathNiel at sinundan ng JaDine.
Aminado naman ang NLex na nasa stage sila na crush ang isa’t isa pero nandiyan ang parents nila para i-guide sila.Kung sabagay,Goin’ Bulilit days pa ay tinutukso na ang dalawa.
Anyway, ngayong Linggo ay mapapanood sa Luv U ang The Other Captain Wonder. Guest ang ex-housemate na si Manolo Pedrosa bilang Jasper. Anak siya ng may-ari ng supplier ng pastries ng coffee shop. Ano ang magiging koneksiyon nito kay Camille (Miles Ocampo)?
Samantala, duda na si Shirley (Sharlene San Pedro) kay Drake (Jairus Aquino) na ito si Captain Wonder kaya naisip nitong bukingin. Nalaman ito ni Drake, ano ang paraang gagawin niya para makalusot?
Anyway,bukod sa Luv U’ humahataw ang comedy unit ng ABS-CBN 2. Sa buong buwan ng Agosto nasa top 7 ang HomeSweetie Home (20.7%) sa average national TV rating at nasa top 11 ang Goin’ Bulilit’(18.7%) base sa datos ng Kantar Media.
Bongga!
