PATAY ang 66-anyos Japanese national makaraan tadtarin ng bala ng riding in tandem habang naghihintay ng masasakyan kamakalawa sa Antipolo City.
Sa ulat na tinanggap ni Senior Supt. Bernabe Balba, Rizal PNP Provincial Director, kinilala ang napatay na si Kazuki Tzuya, nakatira sa 2nd floor ng Crisostomo Building sa Sumulong Highway, Brgy. Mayamot sa lungsod.
Ayon sa imbestigasyon ni PO3 Rodel Druja, dakong 2 p.m. huminto sa tapat ng biktima ang mga suspek sa ilalim ng footbridge sa harap ng SM Masinag, Marcos Highway at pinagbabaril si Tzuya.
Nabatid sa pulisya, ang biktima ay may nakabinbing civil case sa kanyang dating misis kaugnay sa apartment units nilang mag-asawa sa Novaliches, Quezon City.
(ED MORENO)
