ANIM na Indonesian nationals at dalawang Filipino ang inaresto ng Philippine Coast Guard (PCG) dahil sa illegal na pagpupuslit ng sigarilyo mula Indonesia sakay ng Sarangani Bay vessel sa Malapatan, Sarangani.
Kinilala ang dalawang Filipino na sina Eduardo Crisostomo, 53; ng Uhaw St., Brgy. Fatima, at Elmer Pasculado, 27, ng Brgy. Tambler sa lungsod.
Habang ang anim dayuhan ay sina Frankie Salimlisang, 46; Dalan Carlos, 46; Edward Calindisang, 21; Junior Bordeman, 22; Richard Siryang, 33; at Harsono Odingan, 36, pawang residente ng Tahuna, Indonesia.
Ayon kay Coast Guard Station-GenSan chief, Petty Officer Noli Caspillo, dinakip ang mga suspek nang mapansin ng PCG sa five-nautical miles sa karagatan ng Sapu Masla, Malapatan, Sarangani, sakay sa barkong Marco-3.
Nakompiska mula sa mga dinakip ang 27 kahon ng Garam na sigarilyo mula sa bansang Indonesia. (BETH JULIAN)
