Manager ng outsourcing company nag-suicide
TUMALON mula sa ika-22 palapag ng condominium ang isang Singaporean national na manager ng isang kompanya sa Taguig City kahapon ng umaga.
Patay agad ang biktimang si Quiao Sheng Zhang, 28, branch manager ng Trinco Inc., – BPO Company, isang business process outsourcing company, sa Makati City at pansamantalang naninirahan sa Room 22-D, Crescent Park Residences Condominium, sa 30th St., corner 2nd Avenue, Bonifacio Global City (BGC).
Sa ulat na tinanggap ni Taguig City Police chief, Sr. Supt. Arthur Felix Asis, dakong 4:29 a.m., nang mangyari ang insidente sa ika-22 palapag sa loob ng kanyang unit.
Bago mangyari ang pagtalon, tinawagan niya ang ilang kaibigan saka sinabing wawakasan na niya ang kanyang buhay at nagbilin na ipaalam na lamang sa kanyang mga magulang ang sinapit.
Sinisiyasat ng pulisya ang motibo ng pagtalon ng biktima habang inaalam kung may foul play sa insidente.
(JAJA GARCIA)
