Wednesday , July 24 2024

Judges sa PJA election scam suspendido (Sa Ma’am Arlene issue)

INILABAS na ng Korte Suprema ang inaprubahan nitong rekomendasyon ng Leonen committee na nag-imbestiga sa ‘Ma’am Arlene issue.’

Sa tatlong pahinang notice of resolution na pirmado ni Clerk Of Court Enriqueta Vidal, iniutos ng Korte Suprema ang pagsuspinde kina Quezon City RTC Judge Ralph Lee bilang presidente ng Philippine Judges Association, at Manila Regional Trial Court Judge Lyliha Aquino, bilang Secretary General ng PJA.

Ang suspensyon ng dalawa ay indefinite o mananatili hanggang hindi binabawi ng Korte Suprema.

Kasabay nito, binawi rin ng Kataas-taasang Hukuman ang pagtalaga kay Judge Aquino bilang acting presiding Judge ng Manila RTC Branch 24 at iniutos na siya ay bumalik sa kanyang dating designation bilang hukom ng Tugegarao, Cagayan RTC Branch 4.

Inatasan din ng Korte Suprema ang Court of Appeals para isalalim sa mas malalim na imbestigasyon ang mga hukom na sina Judge Rommel Baybay ng Makati RTC, kumandidato sa pagka-presidente ng PJA Elections noong 2013; Judge Ralph Lee; Judge Marino Rubia ng Binan, Laguna RTC, kumandidato bilang executive vice president ng PJA; at Judge Lyliha Aquino.

Ang nasabing mga hukom ay hiwalay na iimbestigahan ng magkakaibang mahistrado ng Court of Appeals.

Ang mga mahistrado na hahawak ng imbestigasyon ay binigyan ng 90-araw para magsumite ng ulat at rekomendasyon sa Korte Suprema

Sinasabing ang paglutang ng “Ma’am Arlene issue” sa hudikatura ay konektado sa kontrobersiyal na eleksyon ng PJA noong Oktubre 9, 2013.

(LEONARD BASILIO)

About hataw tabloid

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Leave a Reply

Your email address will not be published. Required fields are marked *