HATAW! D'yaryo ng Bayan hatawtabloid.com
NAKUHA muli ng Dreamscape Entertainment ang serbisyo ng magagaling na artista para sa book two ng Ikaw Lamang.
Kuwento sa amin ng taga-Dos (na nag-reveal din ng Pangako Sa ‘Yo) tungkol sa mga papasok na characters sa ikalawang yugto ng Ikaw Lamang nina Coco Martin, Jake Cuenca, Julia Montes, at Kim Chiu.
Si Franco (Jake) magiging si Boyet de Leon, si Samuel (Coco) magiging si Joel Torre, si Isabel (Kim) magiging si Amy Austria, si Lupe (Meryll Soriano) magiging si Rio Locsin, si Calixto (Lester Llansang) magiging si Noni Buencamino.
At dagdag din sina Mylene Dizon, Smokey Manaloto, Arlene Muhlach sa present time bukod kina Coco , Kim, at KC Concepcion.
Sa madaling salita, babu na ang presence sina Jake, Lester, at Meryll, samantalang Julia ay namatay na sa episode kamakailan at Ronaldo Valdez ay makikita pa rin kahit nahulog na sa bangin ang sinasakyang kotse.
Kaya tuloy-tuloy pa rin ang laban nina Tirso Cruz III, John Estrada laban kay Boyet.
Kaya naman patuloy na inaabangan ang Ikaw Lamang dahil buhay na buhay pa ang supporters ng bawat artista noong araw bukod pa sa magandang kuwento nito.
May kahilingan lang ang ibang nakakausap naming manonood, ” sana bawasan naman ng kasamaan ang kuwento, nakaka-stress panoorin din.”
Anyway, nagbiro kami sa aming kausap na halos lahat ng magagaling na artista ay napunta na sa Ikaw Lamang at isama mo pa ang Sana Bukas Pa ang Kahapon kaya wala ng natira sa ibang unit, ha, ha, ha dahil pawang baguhan ang mga bida at hindi pa rater.
