HATAW! D'yaryo ng Bayan hatawtabloid.com
ARESTADO sa follow-up operation ng mga operatiba ng Police Community Precinct (PCP-1) ang
tatlong holdaper kabilang ang kapangalan ng action star na si Robin Padilla, na
nambibiktima sa mga UV Express, kahapon sa Pasay City.
Nakapiit na sa Pasay City detention cell ang mga suspek na sina Jeo Lavadia, 18, ng #1836
Lim Ann St., Pasay City; Kris Lloren 18; at Robin Padilla, 23, pawang ng #1847 Goquolay
St., ng nasabing lungsod.
Base sa ulat ng pulisya, 4:30 a.m. nang sumakay ang mga suspek sa isang UV Express (UWG-
199) na minamaneho ni Tato Kasam, 36, at biyaheng Lawton-Sucat, sa CCP Complex, Roxas
Boulevard ng naturang lungsod.
Pagdating sa fly-over ng Buendia Avenue, Pasay City ay nag-anunsiyo ng holdap ang tatlo
saka kinulimbat ang mahahalagang gamit, cellphone, laptop, at cash ng mga pasahero.
Agad naglunsad ng follow-up operation ang mga kagawad ng PCP-1 sa pangunguna ni PO3
Rolando Casim, na nagresulta sa pagkaaresto sa mga suspek habang nagtatago sa kani-
kanilang mga bahay.
(JAJA GARCIA)
