HINDI pa naresolba ng Sandiganbayan 5th division ang bail petition nina Sen. Jinggoy Estrada at Janet Lim-Napoles.
Ito ay nang harangin ng mga abogado mula sa Office of the Ombudsman at special prosecutors ang naturang kahi-lingan.
Giit ng prosekusyon, malakas ang ebidensya kaya imposible ang ano mang hiling na makapagpiyansa para sa non-bailable case na plunder.
Nabatid na halos dalawang oras lamang tumagal ang pagdinig at personal na humarap ang mga akusado.
Ang senador ay nakasuot ng barong na medyo kulay asul, ngunit kapansin-pansing may bigote at balbas na, malayo sa kanyang hitsura bago nakulong.
