KAILANGAN pang i-validate ang health issues ni Sen. Juan Ponce Enrile bago tuluyang mabigyan ng full clearance na manatili sa PNP General Hospital.
Ayon sa mga mahistrado ng Sandiganbayan, bagama’t pormalidad na lamang ito dahil nasa ospital na si Enrile noon pang nakaraang linggo, dapat pa rin sundin ang panuntunan para sa mga bilanggo.
Sinasabing maayos ang kalusugan ng mambabatas bago siya naisyuhan ng warrant of arrest kaya nagtataka ang prosekusyon kung bakit biglang humiling ng hospital arrest.
