Wednesday , February 1 2023

‘Freak accident’ sa selfie pinagdudahan (Nabaling buto tumusok sa kidney)

MASUSING iniimbestigaan ng Pasig City Police ang napaulat na pagkamatay ng isang 3rd year high school student dahil sa ‘selfie’ nitong Lunes sa loob ng school campus.

Ang biktimang si Christine Rosello, 14-anyos, estudyante ng Rizal High School, kasama ang isang kaibigan ay kumukuha ng larawan sa sarili o selfie nang mahulog sa hagdanan mula sa 3rd floor ng gusali.

Gayonman, duda ang mga kaanak ng biktima sa dahilan ng pagkamatay ng estudyante dahil paiba-iba ang statement ng school authorities.

Ayon sa uncle ng biktima, una silang nakatanggap ng tawag mula sa class adviser ng dalagita at sinabing isinugod sa ospital ang biktima sanhi ng pagkahilo ngunit nang dumating siya ay patay na si Christine.

Inihayag ni Pasig PNP chief, Sr. Supt. Mario Rariza, ang biktima ay namatay sa Rizal Medical Center ilang oras makaraan isugod sa nabanggit na ospital.

Lumabas sa awtopsiya, nabali ang tadyang ng biktima na tumusok sa kanyang kidney at may pinsala sa likurang bahagi ng ulo.

Inaalam ng pulisya kung may guidelines ang  Department of Education (DepEd) sa pagbabawal ng cellphones sa loob ng school campus.

Sakaling mayroon, sisilipin nila ang pananagutan ng  school officials ng nasabing paaralan at maaaring sampahan ng kaukulang kaso.

Samantala, inihayag ni DepEd Secretary Armin Luistro, magsasagawa sila ng sariling imbestigasyon kaugnay ng nasabing insidente.

(MIKKO BAYLON)

About hataw tabloid

Check Also

Scam fraud Money

Sa takot sa asawa na malamang na-scam
GINANG NAGTANGKANG MAGPATIWAKAL

NAGTANGKANG magpatiwakal ang 32-anyos na ginang sa pamamagitan nang pagtalon sa isang footbridge dahil umano …

shabu drug arrest

Nag-aabutan ng shabu sa Vale
2 TULAK, HULI SA AKTO

BAGSAK sa kulungan ang dalawang hinihinalang drug personalities matapos maaktuhan ng mga pulis na nag-aabutan …

marijuana

Drug group member, kasabwat nabingwit sa drug bust

KULONG  na  ang dalawang tulak ng droga, kabilang ang isang miyembro ng “Zaragosa drug group” …

prison rape

Most wanted sa Vale
KELOT, HOYO SA KASONG STATUTORY RAPE

HULI ang isang 18 anyos na kelot na listed bilang most wanted sa kasong statutory …

cyber libel Computer Posas Court

Sex offenders database itinutulak ng senador

ITINUTULAK ni Senador Jinggoy Ejercito Estrada ang pagtatatag ng isang pambansang database ng mga sex …

Leave a Reply