Thursday , January 20 2022

Mga corrupt sa PNR, patalsikin na! (Attn: DoTC Sec. Jun Abaya)

00 Bulabugin JSY

WALANG kamalay-malay ang taong bayan, na riyan pala sa Philippine National Railways (PNR) ay katakot-takot pa rin ang mga anomalyang nagaganap.

Mas malalaki nga raw ang buwaya sa ahensiyang ‘yan ng gobyerno. Mukhang hindi tumuwid bagkus ay lalo pa raw bumaluktot ang daan.

Mabuti na lang at may isang anti-corruption group na tulad ng Citizen’s Crime Watch o CCW ang nakadiskubre nito at humihiling ngayon na patalsikin sa puwesto ang mga opisyal na sangkot sa anomalya. Hindi birong halaga ang sinasabing sangkot sa anomalya, kulang sa P50 milyon na sana’y ipambibili ng ‘hardwood’ o traveza para sa pagsasaayos ng riles ng tren mula Tutuban hanggang Kabikolan.

Sa nadeskubreng pagkukutsabahan ng mga sangkot sa anomalya, imbes ‘hardwood’ na tulad ng yakal ang bibil-hing mga kahoy na galing pa sa China, alam ba ninyong ‘larchwood’ ang kanilang inangkat!? Ang ganitong uri ng kahoy o larch, mga kabulabog, ay napakalambot kung gagamitin para sa riles ng tren bilang traveza at maaaring magdulot ng sakuna sa tren at maglagay sa peligro sa publiko at mga pasahero nito.

SONABAGAN!

Dahil sa hokus-pokus na isinagawa ng mga TULISAN diyan sa PNR para sila kumita, ang isinaad sa purchase order at kontrata ay yakal ang aangkatin nilang kahoy sa naturang bansa pero biglang naging larchwood. Lintek na malagkitan!

Ang matindi, ang naging presyo nito ay kulang sa P50 milyon, na hindi naman aabutin sa ganoong presyo ang ‘softwood’ na larch.

Tsk tsk tsk …

Grabe pala ang pinagparte-partehan ng mga corrupt diyan sa PNR, ha!? Kamakailan ay nagsampa na ng reklamo ng CCW sa tanggapan ng Ombudsman. Kabilang sa mga sinampahan ng reklamo ang mga enhinyero, abogado at iba pang matataas na opisyal ng PNR.

Una, si dating General Manager Junio Ragrario, Jane Balong-angey, Rosendo Calleja, Edwin Balong-angey, Estrelito Nierva, Engineer Ruben Besmonte, Atty. Estrelito Perilla, Abdul Aziz Pangandaman at Engineer Mario Arias.

Isinasabit din sa asunto, ang mga pribadong supplier ng kahoy na sina ANDRONICA ROMA at CARMELITA FUA ng NIKKA Trading na sila umanong kakutsabang nagdeliber ng ‘softwood’ imbes na hardwood o yakal.

Ang mga kasong kinakaharap ngayon ng mga sangkot sa anomalya ay paglabag sa Republic Act 3019 o Anti-Graft and Corrupt Practices Act at Republic Act 6713 o Code of Conduct and Ethical Standards for Public Officials and Employees at ito ay kasalukuyang dinidinig sa Ombudsman.

Ang ipinag-aalala ng mga pinuno ng CCW, bakit tanging si Ragrario pa lamang ang pinatalsik sa puwesto at ang iba pang isinasangkot sa katiwalian ay kasalukuyan pa rin nariyan sa PNR?

Kung hindi nga naman sila sisibakin sa puwesto, baka ang mga ebidensiya laban sa kanila ay hindi maipreserba at maglaho na lamang na parang bula.

Pwede rin ma-hokus-pokus dahil d’yan sila magagaling?

Tama ba DOTC Sec. Jun Abaya?

ANG NALALAPIT NA PAGHUHUKOM KAY ERAP

TOTOO nga kayang malapit nang sentensiyahan este desisyonan ng Supreme Court bukas ang disqualification case (DQ) laban kay dating Pangulong Erap Estrada?!

Kung totoong na-agenda sa Supreme Court ang desisyon sa DQ ni Erap, marami ang naniniwala na ‘yan ay bukas na magaganap, Hulyo 1, araw ng Martes.

Kung ang desisyon ay pabor sa sambayanang Manileño, marami ang matutuwa, dahil muling mabubuhay ang mga programa at proyekto para sa batayang social services.

Pero kung pabor naman kay Erap, aba ‘e magiging lehitimo na ang kanyang pagiging alkalde ng Maynila.

Pero ang hindi magandang balita na natanggap natin, kung hindi dedesisyonan ng Supreme Court ang disqualification case bukas, malamang abutin na raw hanggang Setyembre ‘yan.

Aba, ibig bang sabihin n’yan ‘e buhay pa rin ang mga galamay ni Ma’am Arlene d’yan sa Supreme Court?!

‘Yan po ang aabangan natin!

DALAWANG PULIS BANGKETA/PITSA SA MPD
(ATTN: PNP-NCRPO RD Gen. CARMELO VALMORIA)

Sumisikat ngayon ang mag-utol na lespu na alias “A” dahil sa pambabangketa ng mga ‘huli’ sa lungsod ng Maynila. Base sa sumbong sa Bulabugin, ‘yun isang lespu ay dating naka-assign sa pitchaan ‘este’ na-dissolved na unit na MPD-DPIOU. Hindi ba’t pumutok sa MPD HQ na kumita raw ang nasabing pulis ng P200k sa huli nilang droga?!

Si utol naman ay kilalang bagman ng isang MPD station commander. Nabalita rin kamakailan na may “PINITSA” si Kupitan sa isang nahuling shabu pusher sa isang hotel diyan sa Sta. Cruz at nakakompiska ng 10 gramo ng shabu. Ang kaso, tumagal nang ilang araw bago na-inquest ‘yung suspect dahil sa tawaran. Isang mansanas kasi ang inihihirit ni ‘Kupitan sa pusher’ hanggang bumagsak na lang sa beinte mil ang gay-la. Ang ginawa naman ni ‘kupitan’ ay ‘tinabasan’ ang nakompiskang ‘bato’ at halos isang gramo na lang ang iniharap na ebidensiya sa piskalya.

What the fact!!!

Kilala kaya ni Kernel GRAN, ang ‘kupitan’ na pinitsa ang huling shabu?

MPD DD Gen. ROLANDO ASUNCION sir, pwede bang pakapa mo ang dalawang salot na lespu sa MPD bago ka pa sumabit sa kanila!?

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

12-anyos stepdaughter ginawang sex slave
MANYAK NA DRIVER ARESTADO

BAKAL na rehas ang hinihimas ng isang manyakis na driver matapos maglakas-loob ang 12-anyos dalagita …

3 prison guards, 1 pa sugatan vs puganteng preso ng NBP

APAT katao ang sugatan kabilang ang tatlong prison guard ng Bureau of Corrections (BuCor) matapos …

Ina nagpapataya ng jueteng
2-ANYOS PASLIT PATAY SA PINAGLARUANG LIGHTER NG 2 UTOL

ISANG 2-taong gulang na batang babae ang namatay nang masunog ang kanilang bahay dahil sa …

Tinambangan sa Montalban NEGOSYANTENG BABAE PATAY

Tinambangan sa Montalban
NEGOSYANTENG BABAE PATAY

HINDI NAKALIGTAS sa kamatayan ang isang negosyanteng babae, sinabing ang mister ay kaanak ng isang …

Sa Tacurong, Sultan Kudarat DepEd SUPERVISOR PATAY SA AMBUSH, MISIS SUGATAN

Sa Tacurong, Sultan Kudarat
DepEd SUPERVISOR PATAY SA AMBUSH, MISIS SUGATAN

PATAY ang isang opisyal ng Department of Education habang sugatan ang kaniyang asawa nang tambangan …

Leave a Reply