Thursday , March 30 2023

Anak ni Gina na si Racquel, award winning actress na rin

ni Danny Vibas

AWARD-winning actress na rin ang anak ni Gina Pareño na si Racquel. Nagwagi siya sa kategoryang Female Featured Performance in a Play sa 6th Gawad Buhay Award ng Philippine Legitimate Stage Artists Group, na ang ginagamit na pinaikling pangalan ay Philstage. Organisasyon ito ng performing artists sa bansa (kabilang na ang mga mananayaw at opera singer).

Nagwagi siya para sa pagganap n’ya bilang ina ni Shylock sa adaptasyon ngTanghalang Pilipino ng Merchant of Venice na pinamagatan nilang Der Kaufmann. Ang karakter ni Racquel ang magsasabi ng mga pamosong linya roon na, ”If you prick us, do we not bleed? If you tickle us, do we not laugh?” (Kapag tinusok n’yo kami, ‘di ba kami magdurugo? Kapag kiniliti n’yo kami, ‘di ba kami hahalakhak?”)

Ang kategoryang Featured Performance ay bale katumbas ng Best Supporting Actress sa movie awards ng showbiz. Male Lead Performance at Female Lead Performance naman ang tawag ng Gawad Buhay sa kanilang Best Actor at Best Actress na mayroon para sa play at hiwalay ang sa comedy o musical (ganoon din naman sa Featured Performance).

Napanood namin ang awards night kamakailan na ginanap sa Little Theater (Tanghalang Aurelio Tolentino) ng Cultural Center of the Philippines. Noong tapos na ang awards night ay at saka lang namin napag-alaman sa lobby ng Little Theater na naroon pala ang ina n’yang si Gina (na isa namang premyadang aktres sa pelikula).

Pinasalamatan naman ni Racquel ang kanyang butihing ina nang tinanggap ang kanyang trophy bagamat di n’ya nabanggit ang pangalan nito.

Hindi naman ang Der Kaufmann ang unang pagganap ni Racquel sa Tanghalang Pilipino. Noong Oktubre last year ito ipinalabas.

May ilang taon na rin namang kasapi si Racquel sa nasabing grupo na siyang resident theater company ng CCP. Nasa cast din siya ng Sandosenang Sapatos ng Tanghalang Pilipino na may mga nominasyon din sa katatapos lang na Gawad Buhay. (Isang musical naman ‘yon, samantalang ang Der Kaufmann ay isang diretsong dula.)

Sa lobby, nakatsika namin ang mag-ina at nabanggit nga sa amin ni Gina na pareho silang gaganap sa Pahimakas ng Isang Ahente (adaptasyon ng Death of a Salesman ni Arthur Miller) na ipalalabas ng Tanghalang Pilipino sa Agosto. (May ilang dula na rin sa Tanghalang Pilipino na nilabasan ni Gina.)

Wow, sikat na ang mag-ina. Para na ring sina Jacklyn Jose at Andi Eigenmannbagamat magkasundong-magkasundo ang mag-inang Gina at Racquel.

About hataw tabloid

Check Also

Mystica Stanley Villanueva

Mystica sobra-sobra ang pagdadalamhati, anak pumanaw

MA at PAni Rommel Placente SOBRANG malungkot ngayon ang novelty singer na si Mystica. Pagkatapos kasing …

Klea Pineda

Klea kaya pang makipaglampungan sa lalaki kahit umaming gay

COOL JOE!ni Joe Barrameda FINALLY, nag-come out na si Klea Pineda bilang miyembro ng LBGQT community. Maganda …

Jane de Leon Angel Aquino

Jane hanga sa tapang, talento, at ugali ni Angel Aquino

MA at PAni Rommel Placente SA panayam ni Darla Sauler kay Jane de Leon sa Kumu, tinanong ng una ang …

Marco Gumabao Cristine Reyes

Marco sa relasyon nila ni Cristine — mas masarap na private lang, walang nakiki-usyoso

MA at PAni Rommel Placente MADALAS makita na magkasama sina Cristine Reyes at Marco Gumabao.  Kamakailan ay nakita …

Kokoy de Santos

Sa naranasang hirap sa buhay
KOKOY PAMILYA MUNA ANG INUUNA

I-FLEXni Jun Nardo HIRAP din noon sa buhay ang Kapuso actor na si Kokoy de Santos noong panahong hindi …

Leave a Reply

Your email address will not be published. Required fields are marked *