Pag-iwan sa BF para kay JC, itinanggi ni Ellen
ni Roldan Castro
[divider]
ITINANGGI ni Ellen Adarna ang napabalitang kaya niyang iwan ang boyfriend para sa kasamahan niya sa Moon of Desirebna si JC De Vera. Matindi rin kasi ang sex appeal ni JC.
”I never said that. Sabi nga niya sa akin (JC), ‘Sabi mo raw iiwan mo ‘yung boyfriend mo for me.’ Sabi ko ‘Saan mo nakuha iyan? Anong sabi mo?’ Si Raul, my boyfriend, visits on set. Magkakilala sila,” kuwento niya sa isang panayam.
Kahit naman si JC ay hindi naniniwala na seryoso si Ellen sa isyung ‘yun. Baka nga raw nagbibiro lang.
Pero sa MOD, naghahabol talaga ang role ni Ellen kay JC at nag-aalab ang love triangle nila with Meg Imperial.
‘Yun nga lamang!
[divider]
JILLIAN, MAY TALENT SA PAGKANTA
AWANG-AWA si Jillian Ward ’pag tinuturukan si Mona Louise Ray dahil sa sakit niya sa diabetes. Magkasama kasi sila sa bagong serye ng GMA 7.
“Mayroon pong one time, nagsama po kaming tatlo nina Mona at Tita Manilyn (Reynes) nakita ko po ulit ‘yung tinuturukan siya.
“Naawa po ako. At saka po ‘pag sa taping po, minsan po medyo cut, minsan po parang gusto na niyang mag-rest ng kaunti,” bulalas ni Jillian.
Speaking of Jillian, may talent din siya sa pagkanta. Nagmini-concert siya sa nakaraang birthday ng kaibigang Rommel Placente. Ang taas ng boses niya at bumibirit.
May K siya na maging recording artist, huh!
