Tuesday , April 23 2024

Inah Estrada, expected nang ikokompara sa mga magulang na sina Janice at John (Miles, Inah, at Alyanna, bibida sa bagong Wansapanataym special)

ni Maricris Valdez Nicasio

HINDI maitago ni Miles Ocampo ang excitement sa bagong project na ibinigay sa kanya ng ABS-CBN, ang Wansapanataym para sa episode na Witch-A-Makulit na makakasama niya sina Inah Estrada at Alyanna Angeles.

Bale ang Witch-A-Makulit, ang bagong kuwentong pampamilya na ibabahagi sa TV viewers ng Wansapanataym sa Linggo (Hunyo 15).

“Nakaka-excite po dahil first time ko na magkaroon ng role na mayroong superpowers,” ani Miles na gaganap bilang si Krystal, ang pangalawa sa tatlong magkakapatid na ipinanganak na may lahing mangkukulam.

“Pampamilya po talaga ang kuwento nina Krystal, Jade (Inah), at Emerald (Alyanna) dahil bukod sa mga away-magkakapatid, tiyak marami rin po silang aral na matututuhan tulad ng importansiya ng pagsunod sa magulang,” paliwanag pa ni Miles.

Espesyal naman para kay Inah, panganay na anak nina Janice de Belen at John Estrada ang Witch-A-Makulit dahil ito ang kanyang kauna-unahang TV project.

“Sa totoo lang po, kinakabahan talaga ako sa expectations sa akin ng mga tao dahil magagaling na artista ‘yung mga magulang ko. Pero sa ngayon po, ine-enjoy ko lang ‘yung moment at nagpapasalamat na binigyan ako ng chance na makapagbigay-inspirasyon sa mga kabataan,” anang dalagita.

Samantala, isa namang magandang learning experience para kay Alyanna na makasama sa isang Wansapanataym special.

“Masaya po ako na makasama sina Ate Miles at Ate Inah kasi marami po akong natututuhan sa kanila,” sabi ng Kapamilya child star.

Bahagi rin ng Witch-A-Makulit sina Benjie Paras, Malou Crisologo, Wilma Doesnt, Kristel Fulgar, CJ Navato, Jon Lucas, Nina Dolino, at Chienna Filomeno. Ito ay sa ilalim ng panulat ni Mariami Tanangco-Domingo at idinirehe ni Lino Cayetano.

Kaya huwag palampasin ang simula ng Wansapanataym special nina Miles, Inah, at Alyanna ngayong Linggo, 6:45 p.m., bago mag-The Voice Kids sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.

About Maricris Valdez Nicasio

Check Also

Ruru Madrid

Ruru Madrid tuloy-tuloy ang dating ng blessings

COOL JOE!ni Joe Barrameda ISANG payat na binatilyo si Ruru Madrid nang pasukin ang mundo ng showbiz …

Blind Item, Men

Male starlet ‘sumisingaw’ na videos kasama ng mga customer na bading

ni Ed de Leon MAGANDA ang sideline ng isang male starlet. Tambay lang siya sa isang watering …

Kristine Hermosa Jericho Rosales

Kristine ‘di feel makatrabaho si Jericho

HATAWANni Ed de Leon BAKIT parang bantulot si Kristine Hermosa nang sabihin sa kanyang gusto siyang makasamang …

Kathryn Bernardo Daniel Padilla Kathniel

Daniel bumaba ang TF nang mahiwalay kay Kathryn

HATAWANni Ed de Leon NATATAWA kami noong isang araw sa isang blog, na nagsasabi kung …

Vilma Santos

Ate Vi karapat-dapat tanghaling National Artist

HATAWANni Ed de Leon HINDI naghahabol si VIlma Santos na matawag siyang National Artist. Katunayan,  sa tuwing sasabihin …

Leave a Reply

Your email address will not be published. Required fields are marked *