Wednesday , May 29 2024

Hotel mogul, int’l car racing champ itinumba (Sa Davao at QC)

061414_FRONT

PATAY ang isang prominenteng Cebu businessman makaraan pagbabarilin sa loob ng kanyang hotel sa Davao City habang binawian din ng buhay ang isang international car racing champion nang pagbabarilin ng hindi nakilalang lalaki sa Quezon City kamakalawa ng gabi.

Desmayado ang grupo ng Cebu Chamber of Commerce and Industry (CCCI) sa nangyaring pamamaslang kay hotel mogul Richard Lim King sa mismong pag-aari niyang gusali sa syudad ng Davao kamakalawa ng gabi.

Ayon kay CCCI President Ma. Teresa Chan, malaking kawalan sa ekonomiya ng bansa ang nangyaring pagpatay kay King dahil maimpluwensiyang tao ang biktima.

Napag-alaman, maraming pag-aaring negosyo lalo na sa linya ng hotel and real estate sa bansa ang biktima na sinasabing nakapgbibigay ng trabaho at nakatutulong sa ekonomiya ng bansa.

Wala pang komento ang mga staff ng Crown Regency Hotel na isa sa mga pag-aari ni King sa Cebu, itinuturing na international tourist spot dahil may sky extreme adventure sa pinakatuktok nito.

Samantala, sa inisyal na imbestigasyon ng Davao police, binaril si King dakong 6:45 p.m. sa Sobrecarey St., Lacson, Bo. Obrero, Davao City.

Napag-alaman, nasa loob ng kanyang establisyemento ang negosyante kasama ang kanyang mga empleyado nang lapitan ng isang hindi nakilalang suspek saka biglang binaril sa ulo ng kalibre .45 baril.

Sa kabilang dako, agad binawian ng buhay ang car racing champion na si Ferdinand “Enzo” Pastor makaraan barilin ng motorcycle-riding men sa Quezon City.

Base sa imbestigasyon ng mga awtoridad, nasa isang pick-up truck si Pastor, 32-anyos, sa Visayas Avenue corner Congressional Avenue nang bigla siyang barilin ng riding in tandem suspects.

Naitakbo sa opsital si Pastok ngunit agad binawian ng buhay habang ginagamot dahil sa tama ng bala sa kanyang ulo.

Sugatan ang isang Paulo Salazar, nasa loob ng nasabing pick-up truck sa nangyaring pamamaril.

Isinusulat ang balitang ito’y blanko pa ang mga awtoridad sa motibo ng pagpaslang sa racing champ.

Si Pastor ang kauna-unahang Filipino na nakasali sa NASCAR Whelen Euroseries Open Championship race circuit sa TFT-Alpes Carrelage team at itinanghal na ika-anim sa nasabing torneo noong taong 2013.

Nitong Abril itinanghal naman siyang ika-apat sa Euro-NASCAR series sa Nogaro, France.

Si Pastor ay nakatakda sanang pumunta sa US para sa K&N Pro Series East, isang regional stock car racing series na itinataguyod ng US arm ng NASCAR na gaganapin sa Virginia International Raceway sa Agosto 24 at sa Georgia para sa Road Atlanta race sa October 18.

ni ALMAR DANGUILAN

About hataw tabloid

Check Also

Mayor, mangingisda ng Masinloc, nagpapasaklolo sa Presidente at sa Speaker

Mayor, mangingisda ng Masinloc, nagpapasaklolo sa Presidente at sa Speaker

HUMINGI ng tulong si Masinloc Mayor Arsenia “Senyang” Lim at ang mga mangingisda sa Zambales …

052824 Hataw Frontpage

Para sa firetrucks at emergency medical equipment,
P2.88-B PONDO NG DILG-BFP IPINALABAS NI PANGANDAMAN

INIUTOS ni Budget Secretary Amenah “Mina” Pangandaman ang agarang pagpapalabas ng kabuuang P2.880 bilyon sa …

052824 Hataw Frontpage

Ipinagkanulo ng nalaglag na belt bag  
‘GUNMAN’ SA LTO EXEC AMBUSH ARESTADO

ni ALMAR DANGUILAN ITINUTURING ng Quezon City Police District (QCPD) na lutas na ang pagpaslang …

Tacloban Leyte

Anti-government rally ng Maisug pumalpak

KINANSELA ng Maisug anti-government rallyists ang kanilang protesta sa Tacloban City sa Leyte province makaraang …

Cleanup drive at road clearing operation sa mga vendors at informal settlers sa PNR Bicutan

Cleanup drive at road clearing operation sa mga vendors at informal settlers sa PNR Bicutan

PERSONAL na pinangasiwaan ni Parañaque City Police Chief PCol Melvin Montante ang isinagawang clean-up drive …

Leave a Reply

Your email address will not be published. Required fields are marked *