HATAW! D'yaryo ng Bayan hatawtabloid.com
ZAMBOANGA CITY – Patuloy ang paghahanap sa Filipino-Chinese businessman, kanyang anak at isa pang kamag-anak na dinukot sa Brgy. Chinese Pier sa Bongao, Tawi-Tawi.
Kinilala ang mga biktimang si Joseph Bani, 41; anak niyang si Joshua, 21; at kamag-anak na si Hajan Terong, 51.
Ayon sa maybahay ni Terong na si Elizabeth, noong Lunes pa nawawala ang mga biktima ngunit wala silang natanggap na tawag mula sa mga kidnaper.
Habang duda si Bongao Mayor Jasper Que na dinukot ang mga biktima dahil maliit lang aniyang negosyante si Bani.
Sinabi ng alkalde, premature pa para ituring na kidnapping ang pagkawala ng mga biktima.
Inatasan na ni Que ang pulisya na magsagawa ng imbestigasyon kaugnay sa pagkawala ng mga biktima.
