HATAW! D'yaryo ng Bayan hatawtabloid.com
Natangay ang Aus-$800 ng isang Columbian na isa rin volunteer, matapos mabiktima ng mga pinaniniwalaang miyembro ng Ativan gang, sa Quiapo, Maynila.
Nagtungo sa tanggapan ng Manila Police District – General Assignment (MPD GAS) ang biktimang si Viviana Ruiz Gomez, 36, Tacloban volunteer, nanunuluyan sa 5663 Don Pedro St., Poblacion, Makati para ireklamo ang ginawa sa kanya ng tatlong suspek.
Sa imbestigasyon ni PO3 Jay Jacob ng MPD-GAS, naganap ang insidente noong Mayo 20, nang makipagkilala sa kanya ang suspek na nagpakilalang “Helena.”
“Niyaya nila ang victim na mamasyal sa Avenida, naglakad-lakad sila roon at sa Quiapo, pagdating sa Quiapo pumasok daw sila sa isang maliit na restaurant ang natatandaang pangalan ng biktima ay Marvera Restaurant, pinakain siya at pinainom ng beer,” ayon kay Jacob.
Ilang sandali pa, nahilo ang biktima, dakong 2:30 a.m. nang mahimasmasan kinabukasan pero wala na ang kanyang mga gamit. Natangay na rin ang kanyang ATM at nai-withdraw ang Aus$800.
(leonard basilio)
