Saturday , July 2 2022

Workers ‘nganga’ sa Labor Day

050114_FRONT
WALANG maaasahan sa Palasyo ang mga manggagawa sa paggunita ng Pandaigdigang Araw ng Paggawa ngayon dahil walang good news para sa kanila si Pangulong Benigno Aquino III.

Ayon kay Presidential Spokesman Edwin Lacierda, hanggang ngayon ay naghahanap pa rin ng paraan ang Palasyo kung paano tutugunan ang hirit ng mga obrero, gaya ng tax break sa mga sumasahod ng minimum wage, contractualization, at iba pang labor issues, isang taon matapos ipangako ni Pangulong Aquino na aaksyonan ang nasabing mga hinaing ng sektor ng paggawa,

“‘Yong sinabi ni Pangulong Aquino na… ‘Yung doon sa issue sa BIR, talagang pinag-usapan, no’ng sinabing white board. Talagang isang hapon namin pinag-usapan ‘yon. Talagang, ano, we are still finding ways to address that. That’s the reason why President Aquino ordered or instructed Secretary Baldoz and Commissioner Henares to sit down and study this thing further because, again, you have also the issue of the uniformity of taxation. We want to make sure that whatever we do should be uniformed and should not unfairly prejudice any one sector,” ani Lacierda.

Sa ginanap na pre-Labor Day dialogue ni Pangulong  Aquino  sa  ilang lider-obrero sa Palasyo kamakalawa, walang inihayag na ano mang wage hike at dagdag na benepisyo para sa mga manggagawa ang Punong Ehekutibo.

Dahil dito, kinondena ng Kilusang Mayo Uno (KMU) ang anila’y taunang ritwal na pagpapanggap na nakikinig sa mga kahilingan ng mga obrero kasabay ng pagbasura sa kanilang mga hirit.

“We condemn Aquino for engaging in this yearly ritual of pretending to be listening to workers’ demands while at the same time spitting on our faces by rejecting our demands. Puro papogi at paasa itong si Noynoy, pahirap naman sa manggagawa,”ani Roger Soluta, KMU secretary-general.

ni ROSE NOVENARIO

DEMANDS NG LABOR GROUPS AARALIN  PA NI PNOY

HUMINGI ng isang buwan si Pangulong Benigno “Noynoy” Aquino III sa iba’t ibang grupo na dumalo sa pre-Labor Day dialogue sa Malacañang, para sagutin ang ilan sa mga hinaing ng mga manggagawa.

Kabilang sa mga natalakay ang contractualization, extrajudicial killings, pagtaas ng singil sa koryente, security of tenure, tax break, dagdag sahod at ekonomiya

Sinabi ng Pangulong Aquino, napakalawak ng mga isyu na inilatag ng mga grupong dumalo sa dialogue kaya pag-aaralan ito sa loob ng isang buwan.

Paliwanag ni Pangulong Aquino, kailangan busisiin ng point-by-point ang mga iniharap na usapin ng mga grupo na dumalo sa dialogo.

(LAYANA OROZCO)

P135 WAGE HIKE  IGIGIIT NG TUCP

IGIGIIT ng labor group Trade Union Congress of the Philippines (TUCP) ang P135 dagdag sa daily minimum wage para sa mga manggagawa sa Metro Manila.

Ayon sa TUCP, ang nasabing halaga na ibinase nila sa Consumer Price Index of March 2014, ay makatutulong sa mga manggagawa sa gitna ng tumataas na halaga ng pangunahing mga bilihin at serbisyo.

Anila, tutukuyin nila ang tinatawag na “supervening events” para sa hihilinging bagong minimum wage increase sa Metro Manila, bago magpaso ang one year ban para sa paghiling ng dagdag sahod para sa mga manggagawa.

Sa panukalang dagdag-sahod, ang minimum wage sa Metro Manila ay magiging P601 kada mula sa kasalukuyang P466 kada araw.

Itinaas ng Metro Manila wage board ang minimum pay ng mga manggagawa nitong Setyembre 2013.

(KARLA OROZCO)

About hataw tabloid

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply