HATAW! D'yaryo ng Bayan hatawtabloid.com
ni Nonie V. Nicasio
CONGRATS kay Sir Jerry Yap dahil nominado siya sa 30th PMPC Star Awards for Movies sa March 9, 2014. Gaganapin ito sa Solaire Resort at mapapanood sa ABS-CBN’s Sunday’s Best sa March 16, 2014.
Nominated si Sir Jerry sa kategoryang Darling of the Press award kasama sina KC Concepcion, Luis Manzano, Vicky Morales, at Piolo Pascual.
Kaya naman nakakatuwa na ang top honcho ng Hataw Publication at ALAM National Chairman na si Sir Jerry ay nakahilera ang mga showbiz personalities na itinuturing na mga kaibigan at malapit sa press people.
Ang kaibahan ni Sir Jerry sa mga nagiging nominado rito, si Sir Jerry ay naaasahan at nalalapitan ng mga kapatid sa hanapbuhay kung kailangan nila ng tulong. Pero iyong ibang artista, makakaalala lang o magbibigay lang kapag may pelikula, TV show o kung anumang bagay na kailangang i-promote sa media.
Kaya next Saturday, hindi lang ang muling salpukan nina Nora Aunor (Ang Kuwento Ni Mabuti) at Gov. Vilma Santos (Ekstra) para sa Best Actress award ang aabangan ng marami, kundi pati na rin ang Darling of the Press award.
Incidentally, ang iba pang nominees para sa Best Actress category ay sina Bea Alonzo (Four Sisters And A Wedding), Rustica Carpio (Ano Ang Kulay Ng Mga Nakalimutang Pangarap?), KC Concepcion (Shoot To Kill: Boy Golden), Angel Locsin (Four Sisters And A Wedding), at Lorna Tolentino (Burgos).
