HATAW! D'yaryo ng Bayan hatawtabloid.com
LUCENA CITY – Halinhinang ginahasa ng dalawang jeepney driver ang 34-anyos ginang kamakalawa sa Brgy. Domoit sa lungsod na ito.
Itinago ang biktima sa pangalang Malou, residente ng Brgy. Poblacion, Unisan, Quezon.
Mabilis na nakatakas ang mga suspek na kinilala sa alyas na Paeng at Barok, kapwa jeepney driver na may rutang Lucena Bayan, at pumipila sa Grand Terminal ng lungsod.
Ayon sa imbestigasyon ng Lucena PNP, dakong 6:30 p.m. habang nag-aabang ng masasakyan ang biktima sa Brgy. 6 patungong Grand Terminal nang huminto ang isang pampasaherong jeep lulan ang dalawang suspek.
Lumapit sa kanya ang isa sa mga suspek, tinutukan siya ng patalim at dinala sa Brgy. Domoit.
Sinabi ng biktima na ipinasok siya sa isang kubo at doon halinhinang ginahasa ng mga suspek.
Pagkaraan ay mabilis na tumakas ang mga suspek lulan ng kanilang sasakyan. Ngunit natandaan ng biktima ang plate number ng pampasaherong jeep na LXN 359.
(RAFFY SARNATE)
