Lolo’t lola natagpuang patay sa banyo

TADTAD ng pasa sa katawan at duguan ang mag-asawang matanda nang matagpuan ng kanilang 14-anyos apo sa loob ng banyo sa Mabuhay City Subdivision, Brgy. Mamatid, Cabuyao.

Cabuyao, Laguna, kahapon ng madaling-araw.

Sa report ng pulisya, ayon sa salaysay ng apo na hindi na pinangalanan, nagising siya sa lakas ng tulo ng tubig sa gripo sa banyo kaya tiningnan niya ito.

Ngunit tumambad sa kanya ang duguan at wala nang buhay na kanyang lolo at lolang sina Cristuto Supoia, 81, at Leticia Supoia, 78.

Sa imbestigasyon ng pulisya, wasak ang mga upuan sa sala at kusina na marahil ay ginamit sa pagpalo sa mga biktima hanggang sa mamatay.

Sa ngayon ay inaalam pa ng pulisya kung ano ang posibleng motibo ng pagpaslang sa mga biktima.

Nabatid na kasamang nakatira ng mga biktima sa nasabing bahay ang tatlong apo na may edad 6, 12 at 14.

(BETH JULIAN)