MAGHAHAIN ng resignation kay Pope Francis ang bagong talagang Cardinal Orlando Quevedo bilang Arsobispo ng Cotabato.
Ayon kay Cardinal Quevedo, ang pagsapit niya sa mandatory age ng pagreretiro sa Marso 11, ang kanyang ika-75 kaarawan ang dahilan ng kanyang pagreretiro.
Sinabi ng Arsobispo, nakasaad sa Code of Canon Law, na ang mga Obispo ng Simbahang Katolika ay kailangan maghain ng resignation pagsapit ng kanilang ika-75 taon.
Hindi lamang siya magiging tagapayo sa Santo Papa kundi aakto rin siyang Kardinal ng Mindanao at “unofficial spokesperson” para sa mga Obispo ng Mindanao.
Kaugnay nito, sinabi ni Lingayen-Dagupan Archbishop Emeritus Oscar Cruz, kompiyansa siya na hindi tatanggapin ng Sto. Papa ang pagbibitiw ni Archbishop Quevedo dahil katatapos lang niyang maluklok bilang Cardinal.
Ani Cruz, ang isang Kardinal ay maaaring magretiro sa edad 80. (leonard basilio)