HATAW! D'yaryo ng Bayan hatawtabloid.com
DUMATING na sa bansa ang bagong import ng Barako Bull para sa PBA Commissioner’s Cup na si Joshua Dollard.
Si Dollard ay dating manlalaro ng Auburn University sa US NCAA at siya ang nakuha ng Energy pagkatapos na napilitang umuwi si Dwayne Chism dahil sa sigalot sa kanyang kontrata sa Hungary.
Kagagaling si Dollard mula sa Finland.
Inaasahang darating sa bansa anumang araw ang import ng Meralco na si Brian Butch na dating Impact Player ng NBA D League para sa Bakersfield Jam.
Nag-average si Butch ng 17.7 puntos, 11.9 rebounds at 1.7 assists sa kanyang paglalaro sa NBA D League.
Ang iba pang mga imports sa Commissioner’s Cup na magsisimula sa susunod na linggo ay sina Rob Dozier ng Alaska, Evan Brock ng Globalport, Leon Rodgers ng Barangay Ginebra San Miguel, Terrence Howell ng Talk ‘n Text, James Mays ng San Mig Super Coffee, Alex McLean ng Rain or Shine at Herve Lamizana ng Air21.
Naghahanap pa ng import hanggang ngayon ang San Miguel Beer.
(James Ty III)
