Sunday , October 2 2022

May natitira pa bang bagsik sa kamao ni Pacman?

ANG isang malaking katanungan ngayon sa mundo ng boksing ay kung may natitira pang bagsik sa kamao ni Manny Pacquiao para magpatulog ng  isang kalaban?

Ito ang sumisiksik sa utak ng boxing fans sa kasalukuyan pagkatapos ng mahabang apat na taon na walang naipapakitang knockout win si Pacman.

Iyon ay pagkatapos na talunin niya si Miguel Cotto noong 2009.

Pagkaraan ng labang iyon ay puro desisyon na ang kanyang naging panalo.   At dagdag pa roon ang knockout loss kay Juan Manuel Marquez sa 6th round.  Plus yung kontrobersiyal niyang pagkatalo kay Tim Bradley.

Well, naipakita nga ni Pacquiao ang kanyang bilis at gilas nitong nakaraan niyang laban kay Brandon Rios nung nakaraang Nobyembre pero hindi kuntento ang fans.

Ang gusto nilang makita ay ang humihiga sa lona ang katunggali habang binibilangan ng reperi.

Maging si Bradley na makakaharap ni Pacman sa isang rematch sa darating na Abril ay nangangantiyaw na wala na ngang bagsik ang kamao ni Pacquiao.

At dito nagpakawala ng matinding “statement” si Pacman na aalisin na niya ang pagiging “Mr. Nice Guy image” sa ring.   Nangangako siyang ibabalik ang dating mabalasik na kamandag ng kanyang kamao.

Ang pahayag na iyon ay lalong ikinataas ng kilay ng mga miron.  Tiyak na aabangan nila ang resulta ng pangakong iyon ng dating tinanghal na hari ng pound-for-pound.

Maging tayo ay aabangan natin ang sinasabing pagbabalik ng bagsik ng kamao ni Pacman.

Ayon sa kampo ni Pacquiao, dadaan muli sa matinding training ang Pambansang Kamao.  At naniniwala si Buboy Fernandez na hindi nawawala ang bagsik ng suntok ng kanyang kababatang kampeon, medyo naaawa lang ito sa kanyang mga naging kalaban.

Ngayon, iyon ang tatanggalin nila sa ibabaw ng ring.

Nakatakdang dumating sa GenSan si trainer Freddie Roach sa susunod na linggo para sa unang bahagi ng training ni Pacman at lilipad sila sa March 15 para sa ituloy ang matinding ensayo sa Wild Card Gym sa Hollywood .

Alex L. Cruz

About hataw tabloid

Check Also

Darwin Laylo

Para sa Biyernes
PEZA PUNONG ABALA SA RAPID CHESS TILT 

MANILA — Sa pakikipagtulungan ng JC Premiere Marikina Business Center ay magsisilbing punong abala ang …

Nicola Queen Diamante

Sa 1st Novice Swim Championship
6 MEDALYA HINAKOT NI DIAMANTE

NADOMINA ni Nicola Queen Diamante ang anim sa pitong event na nilahukan para tanghaling “most …

Al-Basher Basty Buto Chess

NM Buto naghari sa Angeles rapid chess festival

MANILA — Naitala ni National Master Al-Basher “Basty” Buto ng Cainta, Rizal ang importanteng panalo …

Philracom Horse Race

Paborito si Mommy Caring

MARKADO sina Mommy Caring at Cam From Behind sa magaganap na 2022 PHILRACOM “Sampaguita Stakes …

Rubilen Amit Carlo Biado Johann Chua

Amit, Biado, Chua namayagpag
PH TRIO KAMPEON SA WORLD TEAMS 10-BALL

ni Marlon Bernardino MANILA — Itinanghal na kampeon ang Filipino trio na sina Rubilen Amit, …

Leave a Reply