Friday , September 30 2022

Lady Eagles, Lady Falcons pataasan ng lipad

PATAASAN ng lipad  ang Ateneo Lady Eagles at Adamson University Lady Falcons sa semifinals step-ladder match ngayong hapon sa nagaganap na 76th UAAP women’s volleyball sa The Arena, San Juan.

Maghahatawan sa unang step-ladder ang No. 3 Ateneo at No. 4 Adamson upang harapin ang No. 2 National University Lady Bulldogs na sagpang ang twice-to-beat advantage.

Nag-aabang naman ang three-time defending champions De La Salle Lady Spikers sa Finals matapos nilang walisin ang 14-game eliminations round.

Nabago ang format na No. 1 vs No. 4 at No. 2 laban sa No. 3 para sa semifinals  dahil sa tinarak na 14-0 ng Lady Spikers kaya dumiretso agad sila sa Finals bitbit ang insentibong thrice-to-beat.

Lumaylay sa top four ang Adamson nang matalo sila sa kanilang pang-14 na laro kontra University of Sto . Tomas Tigresses, 23-25, 18-25, 25-23, 15-25.

Laking pasasalamat na lang ng Lady Falcons dahil tinalo ng Lady Eagles ang Far Eastern University Lady Tamaraws upang magkaroon sila ng rubber match para sa pang-apat na puwesto.

Sa tie-break game dinagit ng Lady Falcons ang 25-17, 23-25, 23-25, 25-13, 15-11 laban sa Lady Tams.

Hindi maitago ni Adamson coach Sherwin Meneses ang kanyang saya nang makuha ng kanyang mga bataan ang deciding fifth set.

“Kahit pa five sets OK lang, ang mahalaga manalo,” wika ni Meneses.

Humataw ng 25 points, 24 attacks at isang block si Shiela Pineda para sa Adamson  habang nakakuha ito ng suporta kina Mayette Zapanta (14pts.), Amanda Villanueva (12pts.) at Faye Guevarra (11pts.).

Tumapos ang Lady Bulldogs ng 12-2 win-loss card, 10-4 ang Lady Eagles at 6-8 ang Lady Falcons.

Samantala, bago ang 4:00 P.M. encounter ng Lady Eagles at Lady Falcons,  maghaharap muna sa men’s division ang Ateneo Blue Eagles at FEU Tamaraws sa alas dos ng hapon.

Kakapitan ng No. 2 Ateneo ang twice-to-beat bentahe upang makasampa sa Finals kontra sa mananalo sa pagitan ng No. 1 at defending champions NU Bulldogs at No. 4 Adamson Falcons.

Twice-to-beat din ang NU. (ARABELA PRINCESS DAWA)

About hataw tabloid

Check Also

Darwin Laylo

Para sa Biyernes
PEZA PUNONG ABALA SA RAPID CHESS TILT 

MANILA — Sa pakikipagtulungan ng JC Premiere Marikina Business Center ay magsisilbing punong abala ang …

Nicola Queen Diamante

Sa 1st Novice Swim Championship
6 MEDALYA HINAKOT NI DIAMANTE

NADOMINA ni Nicola Queen Diamante ang anim sa pitong event na nilahukan para tanghaling “most …

Al-Basher Basty Buto Chess

NM Buto naghari sa Angeles rapid chess festival

MANILA — Naitala ni National Master Al-Basher “Basty” Buto ng Cainta, Rizal ang importanteng panalo …

Philracom Horse Race

Paborito si Mommy Caring

MARKADO sina Mommy Caring at Cam From Behind sa magaganap na 2022 PHILRACOM “Sampaguita Stakes …

Rubilen Amit Carlo Biado Johann Chua

Amit, Biado, Chua namayagpag
PH TRIO KAMPEON SA WORLD TEAMS 10-BALL

ni Marlon Bernardino MANILA — Itinanghal na kampeon ang Filipino trio na sina Rubilen Amit, …

Leave a Reply