Friday , March 29 2024

Jawo manonood sa Game 7

ANG basketball ay parang drama rin.

Iyan ang nasabi ni Senator Robert Jaworski, Sr. ilang minuto bago nagsimula ang Game Six sa pagitan ng Barangay Ginebra San Miguel at San Mig Coffee noong Lunes.

Dumating si Jaworski at pumasok muna sa press room upang bisitahin ang mga sportswriters. Nakiumpok muna siya sa mga ito habang hinihintay na mag-umpisa ang laro.

Iba’t ibang paksa ang kanyang tinalakay buhat sa paglalaro niya sa Olympics at iba pang international competitions, sa tsansa ng Gilas Pilipinas sa darating na World championships sa Spain at siyempre sa tsansa ng kanyang dating koponan na muling makabalik sa Finals.

“May kuwento ang lahat ng nangyayari sa court. Lahat  iyan ay nagkakaugnay. At lahat iyan ay dapat na nagtutugma kungdi’y walang mangyayari. Paano kung ang power forward mo ay power failure? Kung ang point guard mo ay point lang ng point? Hindi puwede iyon,” ani Jaworski.

“Kailangan, lahat ay alam kung ano ang papel na gagampanan nila sa kanilang koponan. Kapag may naligaw na papel, magulo ang istorya,” dagdag niya.

Paminsan-minsan na lang nanonood ng mga laro sa PBA si Jaworski.  Pero tuwing papanoorin niya ang Barangay Ginebra, aba’y kahit paano ay may magic pa rin siyang naibibigay sa kanyang dating team.

“Mananalo kaya ang Ginebra mamaya,” tanong ng isang pilyong sportswriter. “Pag natalo, bale wala ang punta ni Jaworski dito. Wala nang magic!”

Well, sinagot naman ang tanong na iyon e.

Nanalo ang Gin Kings!

Napuwersa nila ang Mixers sa Game Seven.

Heto ang siste. Nagpasabi si Jaworski kay PBA media bureau chief na manonood din siya sa Game Seven at kailangan niya ng apat na tickets.

Kung tototohanin ni Jaworski ang kanyang panonood mamaya, mananalo ba ulit ang Gin Kings?

Magtutuloy-tuloy ba ang magic?

Sabrina Pascua

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *