Canaleta nasa TNT na
LALONG lumakas ang Talk ‘n Text dahil sa pagkuha nito kay Nino “KG” Canaleta mula sa Air21.
Inaprubahan kahapon ng PBA Commissioner’s Office ang pag-trade ng Express kay Canaleta sa Tropang Texters kapalit nina Sean Anthony, Eliud Poligrates at isang first round draft pick sa 2016.
Nag-average si Canaleta ng 16.5 puntos bawat laro para sa Express na maagang nagbakasyon ngayong Philippine Cup dahil sa 3-11 na panalo-talo.
Lalaro si Canaleta para sa Texters mamaya sa Game 1 ng quarterfinals kontra San Mig Super Coffee.
Sina Anthony at Poligrates naman ay lalaro na para sa Air21 sa Commissioner’s Cup simula sa unang linggo ng Marso.
(James Ty III)
