Friday , March 29 2024

Hindi pa tuluyang nasunog ang tulay

SO talagang natuldukan na ang chapter ng buhay ni Danilo Ildefonso sa Petron Blaze o San Miguel Corporation nang lumipat siya sa Meralco Bolts.

Well, okay na rin iyon dahil sa nabigyan ng huling pagkakataon ang two-time Most Valuable Player na maipakitang mayroon pa siyang maibubuga. Marahil ang nangyaring hindi nila pagkakaunawaan ng SMC group ay magsilbing isang hamon sa kanya na pagbutihin ang paglalaro at nang magkaroon siya ng isang magandang farewell sa Philippine Basketball Association.

Iyon lang naman yata ang habol niya, e. Magandang exit.

Sa totoo lang, hindi naman nagkulang ang Petron sa kanya. Binigyan naman siya ng tsansang gawin ito. Ang problema nga lang ay nagtamo siya ng injuries at hindi siya napakinabangan ng Boosters.

Kung healthy lang siguro si Ildefonso, baka natulungan niya si June Mar Fajardo sa Finals ng nakaraang Governors Cup at nagkampeon sila.

Pero ganoon talaga ang buhay, e. Lahat naman ng mga star players ay tumatanda at nagreretiro.

Marahil ay nais lang ni Ildefonso na pahabain ng kaunti ang kanyang career. Pakiramdam niya ay kaya pa niya.

At naipakita niya ito nang tulungan niya ang Bolts na magwagi kontra sa Air 21 noong Sabado. Sa larong iyon ay gumawa siya ng  14 puntos, anim na rebounds at limang assists.

Dahil doon ay nahirang siyang unang Accel-PBA Press Corps Player of the Year awardee para sa taong 2014.

Puwedeng sabihing vindication yon para kay Ildefonso.

Pero siyempre, kailangan ay maging consistent siya at hindi lang isang game ang kanyang brilliance. Kailangan na matulungan niya ang Bolts na makaiwas sa maagang pagkakalaglag.

Kung magagawa niya iyon, mapapahaba ang kanyang kontrata sa Meralco.

Sigurado namang kahit na naghiwalay sila ng landas ng Petron ay hindi pa naman tuluyang nasunog ang tulay!

Sabrina Pascua

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *