NAGA CITY – Patay ang 18-anyos dalagita matapos pagtatagain sa loob ng kanilang bahay sa Brgy. Santiago, Balatan, Camarines Sur.
Kinilala ang biktimang si Jennylyn Olieres.
Batay sa inisyal na imbestigasyon, mag-isa lamang si Jennylyn sa kanilang bahay dakong 3 p.m. nang pasukin ng suspek na si Espelito Novelo.
Posibleng tinangka ng suspek na gahasain ang biktima ngunit nanlaban ang dalagita dahilan para pagtatagain ni Espelito.
Naisugod pa sa ospital si Jennylyn ngunit idineklarang dead on arrival.
Nagpapatuloy ang hot pursuit operations ng pulisya laban sa suspek.
(JETHRO SINOCRUZ/BETH JULIAN)
