Thursday , May 23 2024

Wala sa timing si BIR commissioner Kim Henares

NAG-ARAL kaya  ng music itong si BIR Commissioner Kim Henares?

Aba’y wala kasi siya sa TIMING.  Habang kumakanta kasi ng pagbubunyi ang sambayanang mahilig sa boksing sa pagkakapanalo ni Manny Pacquiao laban kay Bam Bam Rios noong nakaraang Linggo, iba ang kanyang kinakanta.

Sukat ba namang salubungin ng paniningil ng BIR ang nagdiriwang pang si Pacman.  Hayun, imbes na pag-usapan ng madla ang masarap na pagbabalik ni Pacquiao sa limelight ng boksing—ang utang kuno sa tax ng Pambansang Kamao ang pinag-uusapan sa apat na sulok ng Pilipinas.

Pananaw tuloy ng sambayanan na kontrabida itong si Henares.  Siyempre pa, pati ang kanyang boss na si PNoy.

Medyo nag-aalala kasi ngayon ang mga eksperto sa boksing na maapektuhan na naman ang boxing career ni Pacquiao sa lumabas na isyu ng tax.  Alam mo naman ang boksing—kailangang kondisyon ang utak mo sa pagharap sa kalaban.

Sa tingin n’yo kaya hindi naapektuhan ang mental conditioning ni Pacman sa problemang kinakaharap?

Ang kinakabahala ng lahat ay may itinakda nang petsa sa susunod na laban ni Pacman.  Sa Abril na iyon.   E, baka hindi pa maresolbahan ang problema ni Pacman—malamang na matagilid ang kondisyon ng utak ng ating Pambansang Kamao.

0o0

Nagtataka lang tayo sa ating pamahalaan.   Kung sa ibang bansa, nagbabayad pa sila ng milyong-milyong dolyares sa komersiyal para lang makilala ang kanilang bansa para dayuhin ng mga turista…samantalang tayo, sa katauhan ni Pacman ay libre na ang komersiyal natin para ipakilala sa buong mundo ang ating bansa—parang ayaw pa nilang kilalanin iyon?

Hindi natin sinasabi na dapat nang paligtasin si Pacquiao sa kanyang obligasyon sa tax.  Doon tayo bilib kay Henares na walang sinisino pagdating sa paniningil ng tamang buwis.  Pero gaya nang sinabi natin—dapat lang sigurong palagpasin muna ang init ng selebrasyon ng panalo ni Pacquiao kay Rios.

Dinadama pa iyon ng mga sambayanan.   Hayan tuloy, nagmumukha kayong kontrabida sa pananaw ng mga Pilipino.

Alex Cruz

About hataw tabloid

Check Also

Benhur Abalos Hopeful Stakes Race bida si Amazing

Hopeful Stakes Race bida si Amazing

ni Marlon Bernardino NAGING sentro ng atraksiyon ang kabayong si Amazing matapos mamayagpag sa 2024 …

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Labog kampeon sa 9th leg ng PCAP Champions League Open chess tilt

Labog kampeon sa 9th leg ng PCAP Champions League Open chess tilt

MANILA — Nagkampeon si Marc Kevin Labog ng Solano, Nueva Vizcaya sa 9th leg ng …

2024 Philracom 1st leg ng Triple Crown nakopo ng kabayong si Ghost

2024 Philracom 1st leg ng Triple Crown nakopo ng kabayong si Ghost

NAKOPO ng dehadong kabayo na si Ghost ang 2024 Philippine Racing Commission (Philracom) 1st Leg …

Ethan Parungao COPA

Batang manlalangoy itinanghal na Most Outstanding Swimmer sa COPA NCR-AFO Championship 2024

ITINANGHAL na Most Outstanding Swimmer (MOS) ang 8-anyos na si Ethan Parungao na nagkamit ng …

Leave a Reply

Your email address will not be published. Required fields are marked *