Sunday , May 19 2024

Motorsiklo ipinatubos 2 karnaper arestado

ARESTADO ang dalawang suspek sa carnapping makaraang ipatubos ang motorsiklo na kanilang ninakaw mula sa kaibigan sa Poblacion, Sta. Maria, Bulacan kamakalawa.

Kinilala ng pulisya ang mga suspek na sina Joey Boy Colangoy, 29, ng Brgy. San Vicente, Sta. Maria at Gener Santos, 34, ng Brgy. Caingin, Bocaue, kapwa sa nabanggit na lalawigan.

Sa ulat ng pulisya, angkas ng biktimang si Adrian Marquez, 34, ang suspek na si Colangoy nang magkayayaan silang kumain dakong 7:30 p.m. kaya ipinarada ang sasakyan sa parking area.

Habang hinihintay ang kanilang order ay nagpaalam si Colangoy na maglo-load ng cellphone. Ngunit pagkatapos kumain ay hindi na natagpuan sa lugar ang motorsiklo.

Nagpasama ang biktima kay Colangoy sa himpilan ng pulisya ngunit imbes samahan ay kinontak ng suspek si Santos sa cellphone. Ipinatutubos naman ni Santos kay Marquez ang motorsiklo sa halagang P20,000.

Matapos magbigay ng paunang P5,000 ang biktima kay Colangoy ay lihim na nakipag-ugnayan si Marquez sa himpilan ng pulisya.

Sa inilatag na operasyon ng mga awtoridad ay agad nadakip ang dalawang suspek.    (DAISY MEDINA)

About hataw tabloid

Check Also

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …

dead gun police

Ikinumpisal bago nalagutan ng hininga
MAGKAIBIGAN ITINUMBA NG 4 KAALITAN

BINAWIAN ng buhay ang dalawang lalaki matapos pagbabarilin ng apat na pinaniniwalaang kanilang mga kaalitan …

051724 Hataw Frontpage

Tutol sa adelantadong renewal ng prangkisa
SOLON NAGBABALA MERALCO MATUTULAD SA SMNI NI QUIBOLOY

MULING nadagdagan ang tumututol sa ‘adelantadong’ renewal ng prangkisa ng distribution utility na Manila Electric …

Leave a Reply

Your email address will not be published. Required fields are marked *