Friday , May 24 2024

Apprentice A.G. Avila nagpanalo kaagad

NATUTUWA at napaayuda ako bilang pagsuporta kay apprentice rider Abraham “Ba-Am” Avila dahil nagpanalo kaagad siya sa unang sakay niya sa aktuwal na karera, iyan ay sa kabayong si Lady Liam na nasa ikalimang takbuhan nung isang gabi sa pista ng Sta. Ana Park.

Sa largahan ay maganda at maayos naman niyang naipalabas mula sa aparato ang kanyang dala, tapos ay medyo pirmis muna at medyo nag-aabang ng tamang pagkakataon.  Nung makasilip ng tiyempo sa may gawing  loob ay unti-unti niyang hiningan si Lady Liam at agaran naman nagresponde si kabayo. Kaya naman pagsungaw sa huling likuan ay nagtuloy-tuloy na ang kanilang pagremate at walang anuman na iniwan pa ang kanilang mga kalaban.

Sa panalo mong iyan Ba-Am ay yumanig ng husto sa lungsod ng Valenzuela. Congrats, GOD Bless, More Power at Ingat ka palagi sa iyong pananakay. Congrats din kay Proud Papa Tirso mo.

0o0

Kahit na kakaunti lamang ang naging bilang ng mga kabayong naisali nung nakaraang Martes na pakarera sa pista ng Metro Turf ay marami na sana ang natuwa dahil sa ganda ng aksiyon na napanood nila sa mga unang bahagi, ang kaso pagdating sa pinakahuling takbuhan ay nagulantang ang karamihan ng mga BKs lalo na iyong mga nagkaroon ng paratingan.

Matinding kalokohan daw kasi ang nangyari.   Bukod pa sa mga hinaing  at sama ng kalooban ay may mga beteranong klasmeyts din tayo na naringgan na sa iisang koneksiyon lang ang apat na kabayo sa limang kalahok na naglaban, kung kaya’t natural na kaya nilang maitapat iyon sa mas dehado upang sila ang mas umani habang ang mga ordinaryong karerista ay nga-nga-nga lamang at hindi na makakahabol pa dahil huling karera na iyon.

Aguy-aguy, bakit naman kasi may ganyan?  Kaya mga klasmeyts ang maipapayo ko lang ay ugaliin na unang tignan, basahin, tandaan at tutukang mabuti ang mga pangalan ng tao sa programa kaysa sa mga kabayong tatayaan sa tatlong karerahan. Dahil ang kabayo ay umiikot lang sa karerahan o pista, samantalang ang mga tao ay kayang magpaikot sa karera.

Fred Magno

About hataw tabloid

Check Also

Richard Villaseran Michael Jan Stephen Rosalem Iñigo

5 King’s Gambit Online Chess School bets kalipikado sa Palarong Pambansa

MANILA — Ipinakita ng King’s Gambit Online Chess School ni Coach Richard Villaseran kung bakit …

Benhur Abalos Hopeful Stakes Race bida si Amazing

Hopeful Stakes Race bida si Amazing

ni Marlon Bernardino NAGING sentro ng atraksiyon ang kabayong si Amazing matapos mamayagpag sa 2024 …

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Labog kampeon sa 9th leg ng PCAP Champions League Open chess tilt

Labog kampeon sa 9th leg ng PCAP Champions League Open chess tilt

MANILA — Nagkampeon si Marc Kevin Labog ng Solano, Nueva Vizcaya sa 9th leg ng …

2024 Philracom 1st leg ng Triple Crown nakopo ng kabayong si Ghost

2024 Philracom 1st leg ng Triple Crown nakopo ng kabayong si Ghost

NAKOPO ng dehadong kabayo na si Ghost ang 2024 Philippine Racing Commission (Philracom) 1st Leg …

Leave a Reply

Your email address will not be published. Required fields are marked *