Sunday , May 19 2024

Filipinos kontra Latinos sa “Pinoy Pride XXIII”

MATAPOS ang tagumpay  ni Manny Pacquiao laban kay Brandon Rios, limang magigiting na boksingero naman ang buong puwersang magtatayo ng bandera ng Pilipinas kontra sa mga Latino sa magaganap na  “Pinoy Pride XXIII: Filipinos Kontra Latinos” ngayong Sabado (Nov 30), 6 PM, sa Araneta Coliseum.

Gamit ang kani-kanilang kamao, buong pusong sasabak ang limang mandirigma sa ring para sa bayan at para sa kani-kanilang dangal at pamilya.

Para sa WBO World Light-Flyweight Champion na si Donnie “Ahas” Nietes, alay niya sa kanyang mga anak ang mapanatili ang kanyang world championship title kontra kay Sammy “Guty” Gutierrez ng Mexico.

Layunin din ni WBO World Minimum Weight Champion Merlito “Tiger” Sebillo na madepensahan ang kanyang titulo at huwag mabahiran ang kanyang undefeated record sa boxing. Bukod pa riyan alay niya rin ang kanyang laban kontra Carlos “Chocorroncito” Buitrago ng Nicaragua sa inang yumao noong nakaraang taon.

Gutom naman para sa tagumpay sina Milan “El Metodico” Melindo na makakatuos si Jose Alfredo “Torito” Rodriguez ng Mexico at si AJ “Bazooka” Banal na makakabangga si Lucian Gonzalez ng Puerto Rico dahil pareho nilang gustong mabawi ang championship belt sa kanilang weight divisions.

Samantala, determinado naman si Jason “El Nino” Pagara na makuha na ang kanyang unang world championship sa kanyang napipintong pakikipagbakbakan kay Vladimir Baez ng Dominican Republic.

Mapapanood ang special telecast ng “Pinoy Pride XXIII: Filipinos Kontra Latinos” sa Linggo (Dec 1), 10:15 AM, sa ABS-CBN at 8 pm naman sa Studio 23.

About hataw tabloid

Check Also

Louiseville tatakbo sa Hopeful Stake Race sa Metro Turf

Louiseville tatakbo sa Hopeful Stake Race sa Metro Turf

IPAPAMALAS ang husay ng kabayong si Louiseville sa kanyang pagtakbo sa 2024 Philracom “Hopeful Stakes …

Jungkook

Kinuha ni Jungkook ang Classic Cup

SA KABILA ng matinding init, nagwagi ang Jungkook ni Tisha Sevilla (Low Profile out of …

Christian Gian Karlo Arca Chess

Vietnamese GM Tran Tuan Minh nasorpresa sa Chebanenko Slav
ARCA NAHABLOT SOLONG LIDERATOSA VIETNAM CHESS
Tsansa para sa 2nd IM norm napalakas

MANILA – Ginulat ni Filipino FIDE Master (FM) Christian Gian Karlo Arca si top seed …

Christian Gian Karlo Arca Chess

Arca nakatutok sa 2nd IM norm  sa Vietnam chess meet

MANILA – Nakatutok si Filipino FIDE Master (FM) Christian Gian Karlo Arca sa kanyang second …

Chito Rivera Eric Buhain COPA PAI

COPA “All For One” swim fest sa RSMC

MAHIGIT 500 manlalangoy ang inaasahang lalahok sa Congress of the Philippine Aquatics (COPA) National Capital …

Leave a Reply

Your email address will not be published. Required fields are marked *