Friday , March 29 2024

Red Lions tutulong sa mga biktima ng bagyo

IMBES na isang bonggang street party, magsasagawa na lang ng pagbibigay ng tulong sa mga biktima ng bagyong Yolanda ang San Beda Red Lions bilang selebrasyon sa kanilang muling pagkakampeon sa National Collegiate Athletic Association (NCAA) Season 89 noong Sabado.

Sinabi ng team manager ng koponan na si Jude Roque na nakikisimpatiya ang buong komunidad ng San Beda sa mga nasalanta ng bagyo kaya magiging simple na lang ang kanilang selebrasyon na gagawin sa kanilang kampus sa Miyerkoles, Nobyembre 20.

“We will have a mass at the San Beda campus on Wednesday after which we will have a simple lunch with the players. Then we will help all the volunteers in packing relief goods for the typhoon victims,” wika ni Roque.

Tinalo ng San Beda ang Letran, 60-56, noong Sabado sa Game 3 ng finals na ginanap sa Mall of Asia Arena sa pangunguna nina Art de la Cruz at Ola Adeogun.

“This is perhaps the sweetest title we won because this is the first time a San Beda team won four straight NCAA titles,” ani Roque. “We also went through a very long season and we won with a lot of role players unlike in our past teams where we had a lot of scorers.”

Tanging si Rome de la Rosa ang mawawala sa San Beda sa susunod na taon kaya kompiyansa si Roque na ipagpapatuloy ng Red Lions ang kanilang paghahari sa NCAA.

Sinabi rin ni Roque na hindi magpapahinga ang Red Lions nang matagal pagkatapos ng kanilang paghahari sa NCAA dahil anim sa mga manlalaro ni coach Boyet Fernandez ay lalaro na para sa North Luzon Expressway sa PBA D League simula ngayon.

Bukod dito, maghahanda rin ang Red Lions para sa Philippine Collegiate Champions League kung saan pasok sila sa Final Four kasama ang UAAP champion na De La Salle University.

“We haven’t won the PCCL title yet and that will be our goal this year,” pagtatapos ni Roque.

Sa kabilang banda, nalungkot ang pambatong sentro na si Raymond Almazan sa pagkatalo ng Letran sa finals.

Ayon kay Almazan, pagkakataon sana niya upang maging maganda ang pag-alis niya sa Knights upang maglaro sa Rain or Shine sa PBA.

“Sayang pero talagang hindi para sa amin ang titulo,” ani Almazan.

(James Ty III)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *