PINANINIWALAANG biktima ng “summary execution” ang 40-anyos na lalaki na nadiskubreng may dalawang nakabaon na pako sa ulo, nakaposas ang kamay at balot ng packing tape ang mukha sa Mandaluyong City.
Dakong 5:00 ng umaga, natagpuan sa panulukan ng Pulong Malamig at Boni Ave., ang bangkay ng di nakilalang biktima sa lungsod.
Sa report ng Tactical Operation Command ( TOC) ng Mandaluyong Police, may tama ng bala ng hindi pa batid na kalibre ng baril sa kaliwang kamay at ulo habang pinaikutan ng masking tape ang buong mukha ng biktima.
Nadiskubre ang bangkay ng isang residente na dumaan lamang sa lugar. (ED MORENO)
