TATLO katao ang patay habang tatlo naman ang sugatan sa sagupaan ng dalawang magkatunggaling pamilya ng Maranao habang dumadalo sa kasalan sa Piagapo, Lanao del Sur.
Sa imbestigasyon ng pulisya, nagpanagpo sa ginaganap na kasalan ang Dimaampao-Diamla clan at Tuba-Bilao clan kaya muling sumiklab ang kanilang away.
Pawang mga armado ng baril ang dalawang magkaaway na pamilya kaya nagbarilan sila hanggang magresponde ang pwersa ng 51st Infantry Battalion at Lanao del Sur Public Safety Battalion ng Philippine Army na nagresulta pa sa enkuwentro ng militar at pinaniniwalaang supporters ng isa sa naturang mga Maranao clan.
Tatlong sundalo ang namatay at tatlong iba pa ang nasugatan sa tropa ng militar
. (BETH JULIAN)
