Tuesday , May 28 2024

Lealtad pahinga ng 30 araw

Narito ang mga kabayo na nabigyan ng kaukulang suspensiyon sa naganap na pakarera nitong Setyembre 28 at 29 taong kasalukuyan. UBOLT, HYENA at MARKEE’S WORLD – suspindido na hindi lalagpas sa pitong araw dahil sa may kahinaan sa pagkain niya at kinakailangan din na magpresenta ng Veterinary Certificate bago makasaling muli sa karera. LEALTAD – pahinga ng 30 araw dahil may 75 metro o higit pa ang distansiya niya sa tersero pagsapit sa meta. RIGHT DIRECTION – suspendido na hindi bababa sa 10 araw dahil sa may kalikutan sa loob ng aparato. Ikalawang pagkakataon na.

ANNA DIVINE – suspendido na hindi bababa sa 10 araw dahil sa may kahirapang kontrolin sa buong distansiya ng laban.  Ikalawang pagkakataon na. ARAZ – suspendido ng 1 buwan dahil sa may nakitang bahid ng dugo sa ilong. Ikalawang pagkakataon na. TRUE TO FORM – suspendido na hindi bababa sa 5 araw dahil sa may kahirapang kontrolin sa buong distansiya ng laban. Unang pagkakataon.

INGETERO – suspendido na hindi lalagpas sa 7 araw dahil may kaunting iniinda sa kanyang paa. WINDBENEATHMYWINGS –suspendido ng 1 buwan dahil sa pamimilay. Ikalawang pagkakataon. NEWSMAKER – pahinga na hindi bababa sa 21 araw dahil sa may naramdamang hindi maganda sa kanyang likurang mga paa. Unang pagkakataon.

MR. BOND – nabigyan ng written warning dahil sa kalikutan sa loob ng aparato. RABBLE ROUSER – nasuspendi ng hindi bababa sa 10 araw dahil sa may nasilayang pagdurugo muna sa kanyang ilong. Unang pagkakataon.

ONEMORESWEETKISS – suspendido na hindi bababa ng 5 araw dahil sa hindi paglabas mula sa aparato sa loob ng unang dalawang segundo pagbukas ng largahan. Unang pagkakataon.

oOo

Naging malapit na naman sa liyamado o paborito ang karamihan ng mga nagwagi sa nakalipas na pakarera sa Metro Turf, kaya marami na tuloy ang mga nakapagsabing BKs na mas madaling mangarera sa nasabing pista.

Ang diskarte naman ng iba ay tamang abang lang at talagang may lumilitaw na tanaw sa bentahan hanggang pagdating sa aktuwal na takbuhan, ikanga ay iyong tinatawag na one-sided o patukan.

Oo nga at mas marami ang tumatamang karerista kapag liyamado, kaya naman ay nawawala na ang excitement para sa lahat dahil hindi balikatan ang labanan.

Ngayong huling kuwarter ng taong kasalukuyan marahil ay napanood na ninyo na mas magaganda at malalaking mga pakarera ang kanilang ihahanda sa ating mga naglilibang, pero bukod sana sa mga patukan ay hindi rin sana mauwi ang resulta na bilang lamang ang tatama sa mga exotic bettings kagaya ng WTA, Pick-6 at kung sakali pati sa Pick-5.

Abangan natin ang mga pakarera sa Metro Turf.

Fred Magno

About hataw tabloid

Check Also

Henry Roger Lopez Chess

Panabo Knights Chess Club nanguna sa ACAPI chess winners

MANILA — Inihayag ni ACAPI (Association of Chess Amateurs in the Philippines, Incorporated) President Arena …

Lala Sotto MTRCB

PVL ipinatawag ng MTRCB, code of ethics babalangkasin

SUPORTADO ng Movie Television Review and Classification Board (MTRCB) ang hakbang ng Premier Volleyball League (PVL) na bumalangkas ng …

Richard Villaseran Michael Jan Stephen Rosalem Iñigo

5 King’s Gambit Online Chess School bets kalipikado sa Palarong Pambansa

MANILA — Ipinakita ng King’s Gambit Online Chess School ni Coach Richard Villaseran kung bakit …

Benhur Abalos Hopeful Stakes Race bida si Amazing

Hopeful Stakes Race bida si Amazing

ni Marlon Bernardino NAGING sentro ng atraksiyon ang kabayong si Amazing matapos mamayagpag sa 2024 …

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Leave a Reply

Your email address will not be published. Required fields are marked *