Thursday , January 20 2022

TNT, Ginebra maggigibaan

PAG-IWAS sa maagang bakasyon at pagbuhay sa pag-asang makarating sa itaas ang mithi ng Talk N Text at Barangay Ginebra San Miguel sa magiging salpukan nila sa  sudden death match para sa huling quarterfinal berth ng 2013 PBA Governors Cup mamayang 7:15 pm, sa Smart Araneta coliseum sa Quezon City.

Dinaig ng Tropang Texters ang Gin Kings, 113-99 noong Linggo sa pagtatapos ng nine game elims. Dahil dito ay nagtabla ang TNT at GSM kasama ng Air 21 sa ikawalong puwesto sa record na 3-6.

Pero mas mababa ang quotient g Express kung kaya’t tuluyan silang nalaglag.

Ang mananalo sa duwelong Tropang Texters at Gin Kings ay makakatagpo ng Petron Blaze sa quarterfinals.

Ang quarterfinals ay mag-uumpisa bukas sa Araneta Coliseum kung saan magkikita ang Meralco at Barako Bull sa ganap na 5:15 pm at magsasagupa ang SanMig Coffee at Alaska Milk sa ganap na 7:30pm.

Ang mananalo mamaya ay makakatunggali ng Petron Blaze sa Huwebes sa ganap na 7:30 pm sa Mall of Asia Arena sa Pasay City. Sa unang laro sa ganap na 5:15 pm ay magtutuos naman ang defending champion Rain Or Shine at Global Port.

Ang Petron, SanMig Coffee, Meralco at Rain Or Shine ay pawang may twice-to-beat advantage sa quarterfinals. Kung mananalo sila nang minsan  ay tutulak na agad sila sa semifinals.

Kahapon sana gaganapin ang laro sa pagitan ng Tropang Texters at Gin Kings subalit ito’y ipinagpaliban bunga ng malakas na ulan at pagbaha na pumilay sa Metro Manila.

Sa tagumpay kontra Gin Kings noong Linggo, ang Talk N Text ay nagkaroon ng balanseng opensiba kung saan anim na manlalaro ang nagtapos nang may double figures sa scorig.

Sila’y pinangunahan ng bagong import na si Courtney Fells na nagtala ng 26 puntos. Si Fells ay humalili kay Tony Mitchell  at nagpugay kontra Rain Or Shine noong Miyerkoles. Natalo ang Talk N Text sa larong iyon, 104-102.

Nakatulong ni Fells sina Harvey Care na nagtala ng 18 puntos, Ali Peek (16), Jimmy Alapag (15), Larry Fonacier (12) at Jayson Castro (11).

Ang Gin Kings ay nakakuha ng game-high 31 puntos buhat sa import na si Dior Lowhorn. subalit kinapos siya ng suporta buhat sa locals dahil dalawa lang ang nag-ambag ng double figures. Ang reigning Most Valuable Player na si Mark Caguioa ay nagtala ng 29 puntos at nagdagdag naman ng 18 si LA Tenorio.

(SABRINA PASCUA)

About hataw tabloid

Check Also

Mayweather umamin walang babaeng pinakasalan

ISA sa pinakamagaling na boksingero si Floyd Mayweather sa mundo ng boksing sa lahat ng …

Sen. Pimentel Thanksgiving Online Chess Tournament

PABORITO sa laban sina International Master Barlo Nadera ng Mandaue City, International Master Ricardo De …

Terrence Romeo Beatrice Pia White

Terrence Romeo unfair na makaladkad sa kaso ng dating asawang si White

HATAWANni Ed de Leon EWAN kung bakit pinalalabas pang animo blind item ang pagkaka-aresto sa …

Dennis Orcollo

Dennis Orcollo na-deport mula sa US

IPINATAPON ng Estados Unidos ang isa sa pinakamagaling  na manlalaro ng bilyar sa Filipinas na …

EJ Obiena PATAFA

EJ Obiena magsasampa ng kaso sa mga nanira sa kanyang ina

NAGHAHANDA ang legal team ni pole vaulter EJ Obiena para linisin ang kanyang pangalan at …

Leave a Reply