Friday , March 29 2024

PhilHealth, AFP ibinulsa ang insentibo (UNTV Cup)

KINALDAG  ng PhilHealth ang Metro Manila Development Authority (MMDA), 77-71 upang sementuhan ang No. 4 spot sa pagtatapos ng eliminations round ng 1st UNTV Cup na ginaganap sa Treston Colelge Gym, The Fort, Taguig.

Hindi makalayo ang PhilHealth sa unang tatlong quarters subalit sa final canto ay kumalas sila nang umalagwa ang lamang sa 24 puntos upang ilista ang 3-3 win-loss card at sungkitin ang twice-to-beat advantage sa kanilang fifth place finish.

Kumana ng 23 puntos, 18 rebounds limang blocks at tatlong steals si Alex Noriega para sa PhilHealth habang nakakuha rin siya ng suporta sa opensa kina Carlo Timothy Capati na may 17 points at 10 rebounds at Richard Dominic Hernandez na nagsalpak ng 13 pts.

Pinaghatian nina Maximo Guittap at Alden Nodado ang 26 puntos para sa MMDA na nalaglag sa pang-limang puwesto sa kartang 2-4.

Kasama ng PhilHealth ang No. 3 ranked Armed Forces of the Philippines sa crossover quarterfinals match kung saan ay isang panalo lang ang kailangan nila upang sumampa sa semifinals.

Samantala, winalis ng Philippine National Police (PNP) ang kanilang anim na laro upang mangibabaw mag-isa sa top spot.

Pinosasan ng PNP ang Congress-LGU, 95-84 upang maghintay na lang ito ng makakalaban sa semis.

Pasok rin  ang Judiciary sa semis matapos itarak ang 4-2 karta.

May 4-2 baraha rin ang AFP subalit nakopo ng Judiciary ang No. 2 spot dahil tinalo nila ang una nang magharap sila sa elims.

Maghaharap sa QF crossover ang AFP at ang Congress-LGU sa Linggo ng alas 4 ng hapon habang magkikita muli ang PhilHealth at MMDA sa alas 5 :30.

Ang mananalong teams sa QF ay haharapin sa crossover match ang PNP at Judiciary.

(ARABELA PRINCESS DAWA)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *