Friday , March 29 2024

Rice crisis iimbestigahan

090513_FRONT
SISIMULAN na ng Kongreso na busisiiin ang unay na sitwasyon ng suplay ng  bigas sa bansa matapos sumambulat kamakailan ang sinabing malawakang korupsyon sa Department of Agriculture (DA) at ang  importasyon ng “overpriced” na bigas ng National Food Authority (NFA).

Pormal na inihain kahapon ni  ABAKADA-Guro partylist Rep. Jonathan dela Cruz, ang isang resolusyon na naglalayong ungkatin ang kakulangang ng bigas sa bansa kasabay ng pagsirit ng presyo nito sa merkado dahil tila nililinlang umano ng DA at NFA ang taong bayan at maging ang Pangulong Aquino na napaniwala nilang bastante ang suplay ng bigas sa bansa.

Ayon kay Dela Cruz, mas lalo pang tumindi ang pangangailangan na isagawa ang nasabing imbestigasyon matapos lumabas noong isang lingo ang isang exposé na ang pinakahuling importasyon ng NFA ng 205,700 metriko tonelada (MT) ng bigas ay “overpriced’ o may ilegal na patong na nagkakahalaga ng P457 million.

“These government agencies (DA at NFA)  have a lot of explaining to do,” ani dela Cruz.

“Una, base sa tala, ang ini-report ng NFA ay nag-import sila ng 187,000 MT, samantala lumalabas na bukod sa nasabing dami ay nagpapasok pa rin pala ang NFA ng karagdagang 18,700MT nang walang kaukulang pahintulot o “prior approval” mula sa Department of Finance; pangalawa, matapos ang isang pagsusuri sa Oryza Global Rice price index, lumalabas na overpriced ang nasabing transaksyon ng halagang P2,150 bawat MT o P457 million para sa buong transaksyon; at pangatlo, bagama’t ipinagmamayabang ng ahensiya na rice self-sufficient ang bansa, napag-alamang balak na naman nilang mag-import ng 700,000 MT ngayong darating na Nobyembre,” dagdag ng mambabatas.

Ang umano’y kwestyonableng transaksyon ng mga importasyon ng DA at NFA ay una nang ipinalabas ni Atty. Argee Guevarra noong nakaraang linggo. Ang nasabing exposé ay pinatotohanan din ng grupong “Ang Gawad Pinoy Consumers Cooperative” sa pamamagitan ng kanilang lider na si Atty. Tonike Padilla.

“Aside from these revelations by lawyers Guevarra and Padilla, news also reached my office about a certain ‘Buddy R’ acting as ‘bagman’ for the group behind these anomalous deals. We have information that 3 days before the tender, this ‘Buddy R’ met with NFA administrator Orlan Calayag, a Mr. Guerrero, Mr. Phuong, and Mr. Ngoc at a hotel in Makati, on April 1, 2 pm to cement the deal,” ayon kay dela Cruz.

“This is of huge significance to the country and to our constituents in the education sector. By Gawad Pinoy’s computations, should the November importations push through, the amount of stolen public funds could reach up to P2 billion. That’s enough to hire 437 new teachers, build 125 new classrooms, buy 6352 school desks and chairs, lay out 633 water and sanitation facilities, and procure and distribute 217,000 learning materials,” dagdag ng mambabatas.

(HATAW News Team)

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

Leave a Reply

Your email address will not be published. Required fields are marked *