HATAW! D'yaryo ng Bayan hatawtabloid.com
IBANG klase talaga ang Pasay City.
Maraming naghahari-harian. Katunayan pati ang 1602 sa nasabing lungsod ay may bagong tatlong hari ngayon.
Kabilang nga sa mga lumutang na pangalan ngayon ay sina alyas PRINCE, ex-kaplog. LITO at isa pang alyas BRIAN.
Kumbaga bago na naman ang boss ng mga kabong sina Ruben, Roger Palengke sa Dolores area, Jing, Romy Banarez, Aling Che, isang alyas Dennis sa Nichols area, Ronald Labo, Logi, Aling Baby, Juancho sa Leve-riza area, at alyas Romy sa Facundo area.
Ang lotteng, EZ2, ending at bookies ng karera ay MILYON-MIL-YONES ang hatag kada buwan.
Southern Police District director, Chief Supt. Jose Erwin Villacorte baka gusto mong ipasuyod ang Taft-Villaruel, Tramo-Flores, P. Dandan- Tramo, Villanueva-Burgos, Tengco-Tramo, Sto. Niño-Taft- Tramo, Manguat-Lucban, at Taft-Inocencio-Aurora.
Ang balita natin, bago pa rumatsada ang bagyong Maring kasabay ng hanging habagat, ‘e binagyo ng pakilala ‘este’ raid ng SPD District Special Operation Unit (DSOU) ang dalawang pwesto ng bookies ng karera sa Salud at Leveriza St., sa Pasay City.
NCRPO chief. Dir. Gen. Marcelo Garbo, mukhang tutulog-tulog lang sa pansitan ang bata mong si S/Supt. Rodolfo Llorca d’yan sa Pasay City.
Mukhang enjoy na enjoy siya d’yan sa lungsod na tinaguriang ‘SIN CITY’ at may slogan na “the fun begins here.”
Sa Pasay City, they’ve got it all. Name it and they have it … illegal terminal, illegal vendors, ‘kakaibang’ sauna bath, casino, motel and beerhouses na mayroong cubicle, saklang patay, saklang puesto pijo, at mga video karera ni BOY ALASAR.
General Villacorte, General Garbo, ano po ang masasabi ninyo kay Kernel Llorca?!
[divider]
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
