Wednesday , May 29 2024

Monfort higante sa laro

Kapag may talent ka at hardworking ka pa at marunong kang maghintay ay tiyak na mabibiyayaan ka.

Ito ang nangyayari sa career ng point guard na si Eman Monfort.

Ang 5-6 na si Monfort ay nagsisimulang gumawa ng pangalan sa Philippine Basketball Association sa kasalukuyang Governors Cup kung saan ay nagningning siya ng husto noong nakaraang linggo at pinarangalan bilang PBA Presscorps Player of the Week.

Kung titingnang mabuti ay parang huli na nang mabigyan ng break si Monfort.

Matapos na mapili ng Barako Bull sa later rounds ng nakaraang rookie draft ay hindi naman kaagad nailagay sa lineup ng Energy Colas si Monfort sa Philippine Cup. Sa torneong iyon, ang Barako Bull ay hawak pa ni head coach Junel Baculi.

Matapos ang Philippine Cup ay nagbitiw si Baculi upang lumipat sa Global Port kung saan siya ngayon ang head coach.

Si Bong Ramos ang humalili kay Baculi at katuwang niya ang dating national coach na si Rajko Toroman.

Dito naisama sa lineup ng Barako Bull si Monfort para sa Commissioners Cup. Pero hindi pa rin gaano nagamit ang point guard na buhat sa Ateneo. Halos sa dulo na lang siya ng conference napasabak.

Pero hindi siya nawalan ng loob at patuloy siyang nagpursige sa halos tatlong buwan na break in between conferences.

Marahil ay napuna na ng coaching staff ang kakaibang sipag at gilas ni Monfort kung kaya’t sa Governors Cup ay siya na ang naging starting point guard ng kanyang koponan.

Sa bawat game ng Barako Bull ay kitang-kita na nag-iimprove ang mga numero ni Monfort. At kita rin na tumataas ang confidence level hindi lang ng coaching staff kundi ng kanyang mga kakampi sa kanya.

Patunay lang ito na ang mga malilit na manlalarong tulad ni Monfort ay puwedeng ring maging malahigante sa larangan ng basketball.

Sabrina Pascua

About hataw tabloid

Check Also

Henry Roger Lopez Chess

Panabo Knights Chess Club nanguna sa ACAPI chess winners

MANILA — Inihayag ni ACAPI (Association of Chess Amateurs in the Philippines, Incorporated) President Arena …

Lala Sotto MTRCB

PVL ipinatawag ng MTRCB, code of ethics babalangkasin

SUPORTADO ng Movie Television Review and Classification Board (MTRCB) ang hakbang ng Premier Volleyball League (PVL) na bumalangkas ng …

Richard Villaseran Michael Jan Stephen Rosalem Iñigo

5 King’s Gambit Online Chess School bets kalipikado sa Palarong Pambansa

MANILA — Ipinakita ng King’s Gambit Online Chess School ni Coach Richard Villaseran kung bakit …

Benhur Abalos Hopeful Stakes Race bida si Amazing

Hopeful Stakes Race bida si Amazing

ni Marlon Bernardino NAGING sentro ng atraksiyon ang kabayong si Amazing matapos mamayagpag sa 2024 …

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Leave a Reply

Your email address will not be published. Required fields are marked *