HATAW! D'yaryo ng Bayan hatawtabloid.com
SOBRA ang pasasalamat ni Marlo Mortel sa mga tumangkilik ng Haunted Mansion, entry nila nina Janella Salvador at Jerome Ponce sa nagdaang Metro Manila Film Festival 2015. Naging third sa box office results ang naturang pelikulang pinamahalaan ni Direk Jun Robles Lana mula Regal Films.
“Sobrang happy, kasi considering talaga, ang pinaka-challenge talaga sa amin dito is tatlo kaming baguhan sa pelikula, this is our first movie, lahat kaming tatlo. So pinaka-challenge na makalaban namin yung big stars eh. And para malagpasan namin yung iba and mapasali kami sa top 3, sobrang happy talaga.
“Ang ganda ng respond ng mga tao. So very happy, very happy talaga kami,” saad ni Marlo.
Nakapanayam namin ang Kapamilya actor sa ginanap na block screening ng pelikulang Haunted Mansion last Saturday sa Cinema 7 ng Robinson’s Galleria. Pinangunahan ni Marlo ang naturang event na hatid ng Marlo’s World para sa kanilang mahal na idolo.
Ukol sa pagkabuwag ng love team nila ni Janella, sinabi ni Marlon a siya ay nalungkot sa nangyari, ngunit gusto niyang mag-focus sa positive na bagay.
“Pero siyempre kasi, di ko naman desisyon yun eh. Eh kung ako naman, ano bang magagawa ko? Eh parang bigla na lang akong naiwan sa ere, totoo naman yun ‘di ba?
“Pero wala naman akong magagawa kasi desisyon ng management yun eh. So ang magagawa ko na lang is maghintay ng parang something positive, kasi nga itong movie namin, nag-click. So malay mo dahil dito, masundan naman yung gagawin namin, either movie or ma-realize nila, baka ibalik ang tandem namin. Pero for now, happy ako for them and happy rin ako na may ginagawa ako na sarili ko.”
Si Marlo ay regular sa Umagang Kay Ganda at semi-regular sa Kris TV.
Ang Marlo’s World head admins ay sina Eva Villanueva, Laarni Torres and Marjo Ibasco. Inusisa namin si Eva kung ano ang masasabi kay Marlo. “Nagpapasalamat kami kay Marlo kasi pinatunayan niya na di kami nagkamali na sinuportahan namin siya, he is our inspiration and happiness! We make sure na maliit o malaking event, nandon kami to support him. Thankful din kami sa mga MW global fans from Dubai, Chicago, Japan, Portland USA, Hongkong, Florida, California, Oregon USA and Singapore na solid ang dedication at loyalty for Marlo! So lucky to have them all!
“Ang MW po ay nabuo noong May 2, 2013. We’ve been there just for one goal, love and support for Marlo Mortel. Marami na po kami napagdaanan at naging strong kami for each other. Kami yung tipo na di basta-basta nagsu-support kung di naman worth it. But Marlo is such a great guy inside & out! Super love namin iyong alaga namin na yun. We’re blessed and proud of him!” paliwanag ni Eva.
ALAM MO NA! – Nonie V. Nicasio
