Baby panda nakatulog sa harap ng media

MISTULANG walang paki-alam ang cute na baby panda na si Bei Bei na nakatulog habang ipinakikilala sa media.

Ang 4-buwan gulang na baby panda ay humihilik sa ginanap na media debu sa Smithsonian National Zoo sa Washington, D.C. At nag-iwan pa siya ng laway sa mesa.

Nauna rito, ang baby panda ay nakitang pumapalag dahil sa ‘excitement’ habang karga ng kanyang handler, sinasabing masigla pa nang ilabas sa kanyang kulungan para sa media appearance.

Ngunit maaaring napagod sa pagpapagulong-gulong sa taniman ng kawayan, kaya nang ilapag sa mesa ay nakatulog.

Sa Washington Post video, mapapanood ang mga journalist at photographers habang nagtatanong at umaasang makakukuha ng good photo op.

Ngunit si Bei Bei, ay mistulang walang pakialam na natulog.

Si Bei Bei ay isinilang noong Agosto ng National Zoo’s resident panda, na si Mei Xiang, at gaganapin ang kanyang public debut sa zoo sa Enero 16, ayon sa ulat ng CNN.

Ayon sa plano, si Bei Bie ay dadalhin sa China pagsapit ng 4-anyos upang tuparin ang kanyang kapalarang maging ama ng baby panda cubs sa hinaharap.

(THE HUFFINGTON POST)