Alden, pinaliligiran na ng mga bouncer ‘pag nagso-show sa labas

NAAPEKTUHAN din noong Tuesday si Alden Richards sa kasagsagan ng traffic at bagyong Nona.

Mga dalawang oras siyang late bago dumating sa show ng Wish Factoree (Kids Wish Festival) na ginanap sa Hall D ng World Trade, Pasay City. Ito ay proyekto ng Make A Wish Foundation, CCA Entertainment sa pakikipagtulungan ninaJoed Serrano, Romnick Sarmenta, Harlene Bautista atbp..

‘Yung ibang nagpa-reserve ay hindi  rin nakarating sa show ni Alden at ng Eat Bulaga That’s My Bae Grand Finalist 2015.

Mula pagbaba sa sasakyan hanggang pag-CR, pagpunta sa dressing room hanggang stage ay hindi iniwanan si Alden ng mga bouncer. Hindi ka talaga makakalapit sa kanya.

Nakasabay si Alden ng PMPC Carollers pero hindi na niya magawang bumati at makalapit dahil magkakaron ng kaguluhan at talagang pinaliligiran siya ng mga bouncer.

Hinintay na lang ang nilulutong Thanksgiving Party ni Alden sa press para roon na lang siya maka-bonding, tsikahan, at makapag-selfie sa kanya.

Sana lang maisingit niya ito sa hectic schedule niya.

Sad to say, kahit kinabukasan ay kanselado na rin ang show ng Wish Factoree na tampok naman si Ate Gay. Kasalanan ng bagyong Nona!

Lumayas ka nga, nakasisira ka sa ekonomiya ng Pilipinas.

He!he!he!
TALBOG – Roldan Castro