This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NITONG nakaraang araw, parang bigla yata tayong naalala ni Senator Francis “Chiz” Escudero.
Mayroon kasing lumapit sa inyong lingkod, nag-o-offer ng weekly column feed kapalit ng P5,000.
Bale P20,000 a month.
Puro PR lang para kay Chiz daw.
Aba, mukhang maraming datung ngayon ang media operator ni Senator Chiz. Nakalikom na siguro sila ng sapat na pondo.
Doon sa tumulay, magalang ko naman siyang tinanggihan.
Idagdag n’yo na lang sa pondo ninyo sa kampanya ‘yung budget na ini-o-offer ninyo sa akin.
Actually p’wede namang wala.
Noong tumakbo nga siyang Senador ay sinuportahan at ikinampanya ng inyong lingkod si Chiz nang todo.
Gratis lang po ‘yan.
Hindi po natin siya siningil ni singko sa ginawa nating pagpapapogi at pagtulong sa kanya.
Kahit na nga, hirap na hirap akong kapain kung ano ang magagandang bagay na nagawa niya para sa bansa at sa sambayanan.
Pero kakaiba pala ang kostumbre ni Chiz. Minsan kaming nagkasalubong sa isang event ‘e parang hindi na niya tayo nakilala.
By the way, ano nga ba ang naging accomplishment ni Chiz sa Senado?!
‘Yung magpakasal sila ni Heart at tumula-tula kapang nasa speaking engagement?!
Pasensiya na talaga. Wala talaga akong maalala na nagawa mo para sa bayan.
Baka pwede n’yo akong padalhan ng mga batas na naipasa n’yo gaya ng kay Sen. Sonny Trillianes.
Inuulit ko, itabi ninyo ang pera ninyo at idagdag na lang sa inyong kampanya.
Again, thanks, but no thanks Chiz.
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
NITONG nakaraang araw, parang bigla yata tayong naalala ni Senator Francis “Chiz” Escudero.
