HATAW! D'yaryo ng Bayan hatawtabloid.com
NAPILI ang superstar ng Globalport na si Terrence Romeo bilang Most Spectacular Player ng FIBA 3X3 2015.
Nakuha ni Romeo ang parangal dahil sa kanyang 266,340 views sa YouTube page ng FIBA 3X3 kung saan nagpakitang-gilas siya sa Manila Masters sa Robinson’s Ermita noong Agosto.
Tinalo ni Romeo ang kanyang kakampi sa Gilas Pilipinas at FIBA 3X3 na si Calvin Abueva, pati na rin si Dusan Domovic Bulut ng NoviSad AlWahda na nagkampeon sa dalawang nabanggit na torneo.
Bago nito ay nakuha ni Romeo ang mga titulong Three-Point Shootout King, All-Star Game MVP, Most Improved Player at Scoring Champion sa PBA.
Tatanggapin ni Romeo ang kanyang tropeo sa awarding ceremony ng FIBA 3X3 na gagawin sa Disyembre 10 sa Doha, Qatar. ( James Ty III )
