Kris, ‘di nagprisinta, ini-request ng Mexican president

NAGING viral ang suot na yellow gold evening gown ni Kris Aquino na gawa ni Anthony Ramirez sa ginanap na APEC Summit dahil napaka-elegante raw at maging ang hindi siya gaanong gusto ay pinuri rin ang Presidential sister.

Sa Instagram post ni Kris, ”wearing a young Filipino designer’s creation,@anthonyramirezs. Makeup by@rbchanco, hair by @angeljamelarin03, styling by @kimiyap & @boopyap.”

Isa pang trending noong Martes ang kuha kina Kris at Mexican President   Enrique Peña Nieto na sabi ng basher ay ang TV host/actress daw ang nag-request na siya ang mag-estima sa guwapong presidente.

Pero ayon kay Kris, siya ang Ini-request ng Mexican President dahil magkakilala na pala sila ni President Nieto noong nakaraang taon nang mag-stop over siya sa Pilipinas.

Heto ang post ni Kris, ”Per Mexico, they prefer Ms. Kris Aquino to be the Presidential Sister present during the State Visit. Sorry I needed to blur the other parts, but this was the part of the briefing sent to me 2 months ago. Pleasantly surprised & extremely flattered to have been requested.”

Kasama rin si Kris sa wreath laying sa Luneta ni President Nieto kasama si Manila Mayor Joseph Estrada.

Sabi ni Kris, ”He (President Nieto) was so warm and appreciative of our Philippine hospitality.”

Samantala, isa pa sigurong kinaiingitan kay Kris ay siya rin ang-estima kay Canadian Prime Minister Justin Trudeau na equally guwapo rin katulad ni President Nieto.

FACT SHEET – Reggee Bonoan