Sarah sa usaping sila na ni Matteo ang magkakatuluyan: Only God knows

GRABE, Ateng Maricris, ilang araw pa lang inilabas ang Sarah Geronimo From The Top Concert ay sold out na agad ang tickets mula tuktok hanggang sa pinakababa ng Smart Araneta Coliseum na mapapanood sa Disyembre 4.

Kung hindi kami nagkakamali ay parang sina Sarah at Daniel Padilla lang yata ang naringgan naming nag sold-out kaagad ang tickets ilang araw ilabas sa ticketnet.

Sa ginanap na one-on-one interview kay Sarah ay natanong siya kung ano ang ini-expect niya 10 years from now? ”Siguro po may family na at may mga anak na,” kaswal na sagot ng singer/actress.

Tinanong kung ilang anak ang gusto niya, ”hmm, depende po, basta gusto ko po, isang girl at isang boy, puwedeng tatlo (anak) lahat,”  napangiting sabi pa ni Sarah.

Gusto ba niyang si Matteo Guidicelli na ang makatuluyan niya.

“Ako po oo, pero hindi natin hawak ang mangyayari kaya in God’s time lahat,” sabi ulit ng singer/actress.

Samantala, itinanggi naman ni Sarah ang tsikang nagselos siya kayShaina Magdayao na nali-link ngayon kay Matteo dahil magkasama sila sa isang programa sa Cinema One.

Oo nga, kilala namin si Matteo na hindi siya kaliwete at si Shaina naman ay hindi pumapatol sa may sabit na.

As of now ay very much in love sina Sarah at Matteo at sa katunayan ay magkasama sila noong weekend sa Bonifacio Global City at sweet na sweet daw sila.

Anyway, ang From The Top concert ay presented ng Cebuana Lhuiller, Globe, Oppo, Jollibee, Belo Essentials, JAG, Manulife, at Xeleb, major sponsors naman ang Extreme Magic Sing, Charmee, Sangobion, Michaela, at SMDC at minor sponsor naman ang San San at Champion.

Ang From The Top ay ididirehe ni Paolo Valenciano at musical director naman si Louie Ocampo produced ng Viva Live, Inc.

FACT SHEET – Reggee Bonoan