HATAW! D'yaryo ng Bayan hatawtabloid.com
ILAN sa pinagpipilian na kapalit ni Angel Locsin bilang Darna ay sinaLiza Soberano at Sofia Andres. Natawa rin kami sa pabirong post saFacebook account ng boyfriend niyang si Luis Manzano na ang mukha niya ang nakalagay sa Darna picture at may caption na, ”Ito na po siguro ang pinakatamang panahon para i-announce. Ako ang papalit kay @therealangellocsin bilang si Darna. I expect your support pop. FYI, ang Ding po ay si Bonel Balingit”.
Health reason ang dahilan kaya nawala kay Angel ang proyekto.
Bagamat ibinigay lahat ni Angel ang paghahanda, nag-training siya, nag-crossfit, nag-exercise, muai thai. Ready na sana siya sa mga stunt pero sad to say, nagkaroon ng problema sa spine niya.
Epekto rin siguro ito sa mga nagawa niya noong araw na proyekto at ilang beses ding nahulog sa kabayo sa Love Me Again.
“Hindi ko pinagsisisihan Tito Boy, gusto ko lang i-clear. Hindi ko pinagsisisihan kung ano mang injury na nakuha ko noon. Kasi masaya akong ginagawa ko ‘yun. Masaya akong ginagawa ‘yun kasi alam ko ‘yun ang nakapagpapasaya sa mga tao at ‘yun ‘yung rason kung bakit din ako nag-artista, to give happiness and inspiration. ‘Pag ginagawa ko ‘yung mga role na ‘Darna’, ‘yung superheroes, nakapagbibigay ka ng hope sa tao. Kaya enjoy ako happy ako. Wala akong nire-regret sa kahit anong stunts na ginawa ko na naging cause ng injury ko,” deklara niya sa Tonight With Boy Abunda.
Dumating na si Angel sa point na ilang days na medyo hindi makalakad. Isang araw gigising, hindi makatayo, hindi makagapang at ni paghatak sa sarili ay hindi niya magawa.
Ayon sa doctor, madadaan pa naman sa therapy,’wag lang siyang mapuwersa. Baka kasi dumating sa point na hindi na talaga makalakad ‘pag napabayaan at gumawa siya ng mga mabibigat at matinding effort na activities.
Aminado si Angel na masakit para sa kanya na hindi magagawa ang Darna.
Pero hindi lang naman dito matatapos ang buhay ni Angel. May pelikula siyang tinatapos kasama si Governor Vilma Santos. Sa pinagdaraanan ni Angel ay nariyan lang ang boyfriend niyang si Luis na pinakakalma siya sa sitwasyon.
Pak!
TALBOG – Roldan Castro
